മലപ്പുറം: കെ. റെയിലിനെതിരെ പ്രത്യക്ഷ സമരവുമായി യൂത്ത് ലീഗ്. മലപ്പുറം പരപ്പനങ്ങാടിയില്‍ കെ. റെയില്‍ പദ്ധതിക്കായി തുറന്ന ഓഫിസ് യൂത്ത് ലീഗ് പ്രവര്‍ത്തകര്‍ താഴിട്ടുപൂട്ടി. ജീവനക്കാരെ അകത്തു കയറാന്‍ അനുവദിക്കാതെയായിരുന്നു പ്രതിഷേധം.

ഇന്നുമുതലാണ് കെ. റെയിലിന്റെ ഓഫിസ് പ്രവര്‍ത്തനം തുടങ്ങിയത്. ഓഫിസിന് മുന്നില്‍ വെച്ച് മുദ്രാലാക്യം വിളിക്കുകയും ചെയ്തു. പൊലിസ് സ്ഥലത്തെത്തി ബലമായി പ്രവര്‍ത്തകരെ അറസ്റ്റുചെയ്തു നീക്കി.