കൊല്‍ക്കത്ത: മുനിസിപ്പല്‍ കോര്‍പ്പറേഷന്‍ (കെഎംസി) തിരഞ്ഞെടുപ്പില്‍ മമത ബാനര്‍ജിയുടെ തൃണമൂല്‍ കോണ്‍ഗ്രസ് വന്‍ വിജയത്തിലേക്ക്. ആകെയുള്ള 144 സീറ്റുകളില്‍ 134 സീറ്റുകളും തൂത്തുവാരിയാണ് തൃണമൂലിന്റെ ജയം.

കജാരി ബാനര്‍ജിയാണ് ഇത്തവണ തൃണമൂലിന്റെ പ്രമുഖ സ്ഥാനാര്‍ത്ഥി.

നേരത്തെ, ഒരു വാര്‍ഡില്‍ ബിരിയാണി നല്‍കി വോട്ടര്‍മാരെ ആകര്‍ഷിക്കാന്‍ ബിജെപി ശ്രമിക്കുന്നതായി തൃണമൂല്‍ കോണ്‍ഗ്രസ് ആരോപിച്ചിരുന്നു.

കൊല്‍ക്കത്ത മുനിസിപ്പല്‍ കോര്‍പറേഷന്റെ (കെഎംസി) 144 വാര്‍ഡുകളിലേക്കുള്ള വോട്ടെടുപ്പ് ഡിസംബര്‍ 19 നാണ് നടന്നത്. 950 സ്ഥാനാര്‍ഥികളാണ് മത്സരരംഗത്തുള്ളത്.

4,959 പോളിങ് ബൂത്തുകളിലായി കനത്ത സുരക്ഷയ്‌ക്കൊപ്പം കര്‍ശന കൊവിഡ് മാനദണ്ഡങ്ങള്‍ പാലിച്ചാണ് വോട്ടെടുപ്പ് നടത്തിയത്.