തിരുവനന്തപുരം: വര്‍ക്കല എസ്.എന്‍ കോളേജില്‍ വാഹനമിടിച്ച് വിദ്യാര്‍ഥിനിക്ക് പരുക്ക്. കോളേജിലെ ക്രിസ്മസ് ആഘോഷത്തിന്റെ ഭാഗമായി ക്യാമ്പസിന് പുറത്ത് വിദ്യാര്‍ഥി ഓടിച്ച വാഹനമിടിച്ചാണ് വിദ്യാര്‍ഥിനിക്ക് പരുക്കേറ്റത്.

രാവിലെ പത്ത് മണിയോടെയാണ് സംഭവം ഉണ്ടായത്. നിയന്ത്രണം വിട്ട കാര്‍ മറ്റ് നാല് വാഹനങ്ങളെ ഇടിക്കുകയായിരുന്നു.

സംഭവവുമായി ബന്ധപ്പെട്ട് രണ്ട് വിദ്യാര്‍ഥികളെ വര്‍ക്കല പൊലിസ് അറസ്റ്റ് ചെയ്തു. അപകടകരമായി വാഹനമോടിച്ചതിനാണ് ഇവരെ അറസ്റ്റ് ചെയ്തത്.