യു.ജി.സി നെറ്റ് (UGC NET 2024) ജൂണ്‍ സെഷനിലേക്കുള്ള അപേക്ഷ ക്ഷണിച്ചു. യു.ജി.സി നെറ്റിനായുള്ള ഔദ്യോഗിക വെബ്‌സൈറ്റ് വഴി ഉദ്യോഗാര്‍ഥികള്‍ക്ക് അപേക്ഷ നല്‍കാമെന്ന് നാഷനല്‍ ടെസ്റ്റിങ് ഏജന്‍സി (എന്‍.ടി.എ) അറിയിച്ചു. മേയ് പത്തിനകം ഓണ്‍ലൈന്‍ അപേക്ഷ നല്‍കണം. ജൂണ്‍ 16നാണ് പരീക്ഷ.

ജൂനിയര്‍ റിസര്‍ച്ച് ഫെല്ലോഷിപ്പ് (ജെ.ആര്‍.എഫ്), അസിസ്റ്റന്റ് പ്രൊഫസര്‍ തസ്തികയിലേക്കുമുള്ള യോഗ്യത നിര്‍ണയ പരീക്ഷയാണ് യു.ജി.സി നെറ്റ്. മേയ് പത്തിന് രാത്രി 11.50 വരെ വിദ്യാര്‍ഥികള്‍ക്ക് അപേക്ഷ നല്‍കാന്‍ അവസരമുണ്ട്. 

മേയ് 13 മുതല്‍ 15 വരെ അപേക്ഷയില്‍ തിരുത്തലുകള്‍ വരുത്താന്‍ സമയമുണ്ട്. പരീക്ഷ തീയതിയും മറ്റ് വിവരങ്ങളും രജിസ്‌ട്രേഷന്‍ പൂര്‍ത്തിയായ ശേഷം അറിയിക്കുന്നതാണ്. 

അപേക്ഷ
* യു.ജി.സി നെറ്റിന്റെ ഔദ്യോഗിക വെബ്‌സൈറ്റ് സന്ദര്‍ശിക്കുക. (https://ugcnet.nta.ac.in/)

* ഹോം പേജിലുള്ള രജിസ്‌ട്രേഷന്‍ ലിങ്കില്‍ ക്ലിക് ചെയ്യുക.

* വിന്‍ഡോയിലെ അപേക്ഷ ഫോം പൂരിപ്പിക്കുക. ശേഷം ആപ്ലിക്കേഷന്‍ ഫീ അടക്കുക. 

* ക്ലിക് സബ്മിറ്റ് ബട്ടണ്‍

* ആപ്ലിക്കേഷന്‍ ഫോം ഡൗണ്‍ലോഡ് ചെയ്യുക.

2023 ഡിസംബറിലെ നെറ്റ് പരീക്ഷയ്ക്ക് ആകെ 9,45,918 പേരാണ് രജിസ്റ്റര്‍ ചെയ്തത്. അതില്‍ 6,95,928 വിദ്യാര്‍ഥികള്‍ പരീക്ഷയെഴുതി. ജനുവരി 17നാണ് ഇതിന്റെ പരീക്ഷ ഫലം പ്രസിദ്ധീകരിച്ചത്.  

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക