ജൂണിൽ അമേരിക്കയിലും വെസ്റ്റ് ഇൻഡീസിലുമായി നടക്കുന്ന ടി20 ക്രിക്കറ്റ് ലോകകപ്പിനുള്ള ടീമിനെ പ്രഖ്യാപിക്കുന്ന ആദ്യ രാജ്യമായി ന്യൂസിലാൻഡ്. 15 അംഗ സ്ക്വാഡിനെ പരിചയസമ്പന്നനായ കെയിൻ വില്യംസനാണ് നയിക്കുന്നത്.

ഫാസ്റ്റ് ബൗളർമാരായ ടിം സൗത്തിയും ട്രെന്റ് ബോൾട്ടും ഇടം കണ്ടെത്തി. രചിൻ രവീന്ദ്രയും മാറ്റ് ഹെൻറിയുമാണ് ലോകകപ്പിലെ പുതുമുഖങ്ങൾ. താരമായി ആറാം തവണയും ക്യാപ്റ്റനായി നാലാം തവണയുമാണ് വില്യംസൻ ടി20 ലോകകപ്പിൽ ജഴ്സി ധരിക്കുന്നത്. സൗത്തിയുടെ ഏഴാമത്തെയും ബോൾട്ടിന്റെ ആറാമത്തെയും ലോകകപ്പാണിത്. വെസ്റ്റ് ഇൻഡീസ്, അഫ്ഗാനിസ്താൻ, ഉഗാണ്ട, പാപ്പുവ ന്യൂഗിനിയ എന്നീ ടീമുകൾക്കൊപ്പം ഗ്രൂപ്പ് സിയിലാണ് ന്യൂസിലൻഡിന്റെ സ്ഥാനം. ജൂൺ ഏഴിന് ഗയാനയിൽ അഫ്ഗാനിസ്ഥാനെതിരേയാണ് ന്യൂസിലൻഡിന്റെ ആദ്യ മത്സരം.

ടീം സ്ക്വാഡ്:
കെയിൻ വില്യംസൻ (ക്യാപ്റ്റൻ), ഫിൻ അലൻ, ട്രെൻ്റ് ബോൾട്ട്, മൈക്കൽ ബ്രസ്വെൽ, മാർക് ചാപ്മാൻ, ഡേവൺ കോൺവെ, ലോക്കി ഫെർഗൂസൻ, മാറ്റ് ഹെൻറി, ഡാരിൽ മിച്ചൽ, ജിമ്മി നീഷാം, ഗ്ലെൻ ഫിലിപ്സ്സ്, രചിൻ രവീന്ദ്ര, മിച്ചൽ സാൻ്റ്നർ, ഇഷ് സോധി, ടിം സൗത്തി.