കാസര്‍കോട്: കാഞ്ഞങ്ങാട് ബോള്‍ ഐസ്‌ക്രീമില്‍ ആസിഡ് സൂക്ഷിച്ച് ഐസ്‌ക്രീം എന്ന വ്യാജേന ഭാര്യക്ക് നേരെ എറിഞ്ഞ് ഭര്‍താവിന്റെ ആക്രമണം. ഭാര്യ ഓടി രക്ഷപ്പെട്ടതിനാല്‍ ആസിഡ് ആക്രമണത്തില്‍ നിന്ന് രക്ഷപ്പെട്ടു. പിന്നാലെ ഓടിയ ഭര്‍ത്താവ് എറിഞ്ഞ 'ഐസ്‌ക്രീം' ആസിഡ് അബദ്ധത്തില്‍ ദേഹത്ത് വീണ് മകന് ഗുരുതരമായി പൊള്ളലേല്‍ക്കുകയും ചെയ്തു. വെള്ളിയാഴ്ച വൈകീട്ട് കാഞ്ഞങ്ങാട് ചിറ്റാരിക്കല്‍ കമ്പല്ലൂരിലാണ് സംഭവം.

ചിറ്റാരിക്കല്‍ കമ്പല്ലൂരിലെ പി.വി സുരേന്ദ്രനാഥിനെതിരെ (49) ചിറ്റാരിക്കല്‍ പൊലിസ് ഗുരുതരമായ വകുപ്പുകള്‍ ചുമത്തി കേസ് രജിസ്റ്റര്‍ ചെയ്തു. സുരേന്ദ്രനാഥിന്റെ മകന്‍ പി.വി സിദ്ധുനാഥിനാണ് (20) ആസിഡ് ആക്രമണത്തില്‍ പൊള്ളലേറ്റത്. സിദ്ധുനാഥിന്റെ പുറത്താണ് ആസിഡ് ബോള്‍ വീണത്. പുറത്തടക്കം ഗുരുതരമായി പൊള്ളലേറ്റ യുവാവിനെ കണ്ണൂര്‍ ഗവ. മെഡിക്കല്‍ കോളജ് ആശുപത്രിയില്‍ അത്യാഹിത വിഭാഗത്തില്‍ പ്രവേശിപ്പിച്ചിരിക്കുകയാണ്. മുമ്പ് പ്രതിയെ മദ്യക്കുപ്പി പൊട്ടിച്ച് കുത്തിപ്പരുക്കേല്‍പിച്ചിരുന്നു ഇയാള്‍. ഇതുസംബന്ധിച്ച് പരാതിനല്‍കിയതിന്റെ വൈരാഗ്യമാണ് ആസിഡാക്രമണമെന്ന് പൊലിസ്.