പ്രമുഖ സീനിയർ അഭിഭാഷകൻ കപിൽ സിബൽ സുപ്രീംകോടതി ബാർ അസോസിയേഷൻ പ്രസിഡണ്ടായി തിരഞ്ഞെടുക്കപ്പെട്ടു. 689 വോട്ടുകൾ നേടിയ മുതിർന്ന അഭിഭാഷകൻ പ്രദീപ് റായ് യെ പിന്തള്ളിയാണ് 1066 വോട്ടുകൾക്ക് കബിൽ സിബൽ വിജയിച്ചത്. നിലവിലെ പ്രസിഡന്റ് ആദിഷ് സി അഗർവാലയും പ്രസിഡന്റ് സ്ഥാനത്തിനായി മത്സരിച്ചിരുന്നു. ഇദ്ദേഹത്തിന് ലഭിച്ചത് 296 വോട്ടുകളാണ്.

ബാർ അസോസിയേഷൻ പ്രസിഡണ്ട് സ്ഥാനത്തേക്ക് കപിൽ എത്തുന്നത് ഇത് നാലാം തവണയാണ്. 2001 ലാണ് അവസാനമായി തിരഞ്ഞെടുക്കപ്പെട്ടത്. മുൻപ് 95 ലും 97 ലും ആണ് അദ്ദേഹം പ്രസിഡണ്ട് സ്ഥാനത്ത് മുൻപ് ഇരുന്നത്.