സില്വര് ലൈന് പദ്ധതിക്ക് കേന്ദ്രം ഉടന് അനുമതി നല്കണം; വീണ്ടും ആവശ്യവുമായി കേരളം
ന്യൂഡല്ഹി: സില്വര് ലൈന് പദ്ധതിക്ക് അനുമതി നല്കണമെന്നാവശ്യപ്പെട്ട് സംസ്ഥാന സര്ക്കാര്. ധനമന്ത്രിമാരുടെ ബജറ്റിന് മുന്നോടിയായുള്ള യോഗത്തിലാണ് ധനമന്ത്രി കെ.എന് ബാലഗോപാല് ആവശ്യം ഉന്നയിച്ചത്.
വര്ധിച്ചുവരുന്ന റെയില് ഗതാഗത ആവശ്യങ്ങള് കുറ്റമറ്റ നിലയില് നിറവേറ്റാന് നിലവിലെ റെയില് സംവിധാനങ്ങള്ക്ക് കഴിയുന്നില്ലെന്നത് അര്ദ്ധ അതിവേഗ പാതയുടെ നിര്മ്മാണത്തിന്റെ ആവശ്യകത ബോധ്യപ്പെടുത്തുന്നുവെന്നതും പരിഗണിക്കണം. നിലിവിലുള്ള റെയില് സംവിധാനങ്ങളുടെ മെച്ചപ്പെടുത്തലിനായുള്ള പദ്ധതികളും വേണം. കൂടുതല് എകസ്പ്രസ്, പാസഞ്ചര് ട്രയിനുകള് അനുവദിക്കണമെന്നും മന്ത്രി ആവശ്യപ്പെട്ടു.
സംസ്ഥാനത്തിന് 24,000 കോടിയുടെ പ്രത്യേക സാമ്പത്തിക പാക്കേജ് പ്രഖ്യാപിക്കണമെന്നും കേരളം യോഗത്തില് ആവശ്യപ്പെട്ടു. ഈ വര്ഷത്തെ കടമെടുപ്പ് പരിധി ജിഡിപിയുടെ മൂന്നര ശതമാനമായി ഉയര്ത്തണം. കേന്ദ്ര സംസ്ഥാന നികുതി പങ്ക് വെക്കല് അനുപാതം 50: 50 ആക്കി മാറ്റണം. ദേശീയ പാത വികസനത്തിന്റെ ഭൂമി ഏറ്റെടുക്കലിന് നല്കിയ 6000 കോടിക്ക് തുല്യമായ തുക ഈ വര്ഷം ഉപാധികള് ഇല്ലാതെ കടം എടുക്കാന് അനുവദിക്കണമെന്നും കേരളം ആവശ്യപ്പെട്ടിട്ടുണ്ട്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."