വാടകയിനത്തില്‍ പണം ലാഭിക്കാന്‍ താല്‍പര്യപ്പെടുന്ന ദുബൈ നിവാസികള്‍ ആദ്യം തെരഞ്ഞെടുത്തിരുന്നത് ഷാര്‍ജയും അജ്മാനുമായിരുന്നു, എന്നാല്‍ ഡിമാന്റ് വര്‍ദ്ധിച്ചതിനാല്‍ ഒറ്റ മുറി ഫ്‌ളാറ്റുകള്‍ക്കും ഇരു മുറി ഫ്‌ളാറ്റുകള്‍ക്കും 2023 അവസാനത്തേക്കാള്‍ 20 ശതമാനം വില വര്‍ദ്ധിച്ചിട്ടുണ്ട്.ഷാര്‍ജയും അജ്മാനും നിവാസികള്‍ തെരഞ്ഞെടുക്കാനുള്ള പ്രധാന കാരണം ദുബൈയിലെ വാടകനിരക്കാണെന്ന് ഈമാന്‍ പ്രോപ്പര്‍ട്ടീസ് ഉടമ സെയ്ദ് റയ്ഫ് ഹസ്സന്‍ ഇക്കേരി പറയുന്നു. കോവിഡ് കാലഘട്ടത്തിനുശേഷം വാടകനിരക്ക് കുത്തനെ ഉയരുന്ന ദുബൈക്ക് പകരം ഷാര്‍ജയും അജ്മാനും ആളുകള്‍ തിരഞ്ഞടുക്കുന്നു.എ ആന്റ് എച്ച് റിയല്‍ എസ്‌റ്റേറ്റ് മാനേജര്‍ മുഹമ്മദ് റയ്യാന്‍ പറയുന്ന  പ്രകാരം ദുബൈയിലെ ഉയരുന്ന വാടകനിരക്കാണ് ദുബൈ നിവാസികള്‍ വടക്കന്‍ എമിറേറ്റ്‌സ് പ്രധാനമായും ഷാര്‍ജയിലേക്ക് കുടിയേറുന്നതിനുള്ള കാരണം. 
 
2023 അവസാനത്തില്‍ ഒറ്റ മുറി ഫ്‌ളാറ്റുകളുടെ വാടകനിരക്ക് വര്‍ഷം 24000 ദിര്‍ഹം ആയിരുന്നു. എന്നാല്‍ ഇന്നത് സ്ഥലം, കെട്ടിടത്തിന്റെ പഴക്കം, എന്നിവയെല്ലാം കണക്കാക്കി 30000 മുതല്‍ 36000 ദിര്‍ഹം വരെ കുതിച്ചുയര്‍ന്നിരിക്കുന്നു. ഇരു മുറി ഫ്‌ളാറ്റുകള്‍ക്കും സമാന സാഹചര്യമാണ് ഷാര്‍ജയില്‍ 36000 മുതല്‍ 52000 ദിര്‍ഹം വരെയാണ് ഇരു മുറി ഫ്‌ളാറ്റുകളുടെ വാടകനിരക്ക് ആറുമാസം മുന്‍പ് ഇത് 34000 മുതല്‍ 45000 ദിര്‍ഹം വരെയായിരുന്നു. അല്‍ നഹ്ദ, അല്‍ തവൂണ്‍, അല്‍ മജാസ്, എന്നിവയാണ് താമസക്കാര്‍ക്കേറ്റവും ഇഷ്ടപ്പെട്ട സ്ഥലങ്ങള്‍. അല്‍ നഹ്ദ ദുബൈ ബസ്റ്റാന്റിനും, ദുബൈ മെട്രോക്കും, അടുത്തായതിനാല്‍ ധാരാളം പേര്‍ താമസത്തിനായി അല്‍ നഹ്ദ തിരഞ്ഞെടുക്കുന്നു. ഹൈപ്പര്‍ മാര്‍ക്കറ്റുകള്‍, ക്ലിനിക്കുകള്‍, ആശുപത്രികള്‍, എന്നിവയുടെ സാമീപ്യം അല്‍ തവൂണ്‍, തിരഞ്ഞെടുക്കാന്‍ കാരണമാകുന്നു. ദുബൈയിലെ സ്‌കൂളുകളിലേക്ക് അരമണിക്കൂര്‍ അകലം മാത്രമുള്ളതിനാല്‍ ആളുകള്‍ ഷാര്‍ജയില്‍ താമസിക്കാന്‍ ഇഷ്ടപ്പെടുന്നു. ഷാര്‍ജയില്‍ കരാര്‍ തീയതി മുതല്‍  ആദ്യ മൂന്ന് വര്‍ഷത്തേക്ക് വാടക നിശ്ചയിച്ചിട്ടുണ്ട് ഇതും താമസത്തിനായി ഷാര്‍ജ തിരഞ്ഞെടുക്കാന്‍ കാരണമാകുന്നു. 
  
 വിസകള്‍ നല്‍കുന്നതിലുണ്ടായ വര്‍ദ്ധനവ് രാജ്യത്തേക്ക് വരുന്ന ആളുകളുടെ എണ്ണം ക്രമാതീതമായി വര്‍ദ്ധിപ്പിച്ചു ഇത്തരത്തില്‍ രാജ്യത്തെ ജനസംഖ്യാവര്‍ദ്ധനയും റിയല്‍ എസ്റ്റേറ്റ് വ്യവസായത്തെ പ്രോത്സാഹിപ്പിക്കുന്നുവെന്ന് ഇക്കേരി പറയുന്നു. റാസല്‍ഖൈമയിലെ വ്യവസായിക വളര്‍ച്ച ഷാര്‍ജയിലെയും അജ്മാനിലെയും ഭവന ആവശ്യകതയെ വര്‍ദ്ധിപ്പിക്കുന്നുവെന്ന്  വിദഗ്ധര്‍ പറയുന്നു. റാസല്‍ഖൈമയില്‍ ജോലി ചെയ്യുന്ന പല സേവന അധിഷ്ഠിത വ്യവസായ എക്‌സിക്യൂട്ടിവുകളും ഷാര്‍ജയിലും അജ്മാനിലും താമസിക്കാനും ജോലിക്കു പോകാനും ഇഷ്ടപ്പെടുന്നു. 2023 ആരംഭത്തെ അപേക്ഷിച്ച് ദുബൈയിലെ വാടകയില്‍ 30 ശതമാനം വര്‍ദ്ധനവുണ്ടായിട്ടുണ്ട്, ഇത് ഷാര്‍ജയിലെയും അജ്മാനിലെയും വാടകനിരക്കിനെ ബാധിക്കുമെന്ന് ഇക്കേരി പറയുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക