ശ്രീനഗർ: കാർഗിൽ വിജയ് ദിവസ് ആഘോഷങ്ങൾക്കിടെ അതിർത്തിയിൽ പാക് നുഴഞ്ഞുകയറ്റം. ഏറ്റുമുട്ടലിൽ സൈനികനു വീരമൃത്യു. നാലു സൈനികർക്കു പരുക്കേറ്റതായും റിപ്പോർട്ടുണ്ട്. തിരിച്ചടിയിൽ ഒരു ഭീകരനും കൊല്ലപ്പെട്ടു.
നിയന്ത്രണരേഖയോടു ചേർന്ന് വടക്കൻ കശ്മീരിലെ കുപ്‌വാര ജില്ലയിലെ മച്ചൽ സെക്ടറിൽ സായുധരായ  ഭീകരർ നുഴഞ്ഞുകയറിയത്. ഇവർ സൈനിക പോസ്റ്റിനു നേരെ നിറയൊഴിച്ചതോടെ സൈനികർ തിരിച്ചടിക്കുകയായിരുന്നു.വെടിയേറ്റ സൈനികരിൽ ഒരാൾ മരിച്ചു. മറ്റൊരാളെ ശ്രീനഗറിലെ ബേസ് ആശുപത്രിയിൽ പ്രവേശിപ്പിച്ചു. പാക് അതിർത്തിരക്ഷാ സേനയുടെ സഹായം ഭീകരർക്ക് ലഭിച്ചതായി സൈന്യം കുറ്റപ്പെടുത്തി. ഏറ്റുമുട്ടൽ നടന്ന പ്രദേശത്ത് ഒരാഴ്ച മുമ്പ് സൈനികമേധാവി ജനറൽ ഉപേന്ദ്ര ദ്വിവേദി സന്ദർശനം നടത്തിയിരുന്നു. മോശം കാലാവസ്ഥയും മഞ്ഞുവീഴ്ചയും മറയാക്കിയാണ് ഭീകരർ നുഴഞ്ഞുകയറിയത്. 

An Indian soldier and a terrorist were killed during an attempted infiltration in Kupwara. The Indian Army successfully thwarted the infiltration bid, ensuring regional security