തിരുവനന്തപുരം വഞ്ചിയൂരില്‍ വെടിവെപ്പ്. എയര്‍ഗണ്‍ ഉപയോഗിച്ചാണ് ആക്രമം നടന്നത്. വള്ളക്കടവ് സ്വദേശി ഷൈനി എന്ന യുവതിക്കാണ് പരിക്കേറ്റത്. ആക്രമി മുഖം മൂടി ധരിച്ചിരുന്നെന്നാണ് ഷൈനിയുടെ മൊഴി. 

രാവിലെ 8.30 നാണ് സംഭവം. രാവിലെ മുഖം മറച്ചെത്തിയ സ്ത്രി ഷൈനിക്ക് കൊറിയര്‍ നല്‍കാനുണ്ടെന്നു പറഞ്ഞു. ഷൈനിയുടെ ഭര്‍തൃപിതാവാണ് കൊറിയര്‍ വാങ്ങാനെത്തിയത്. കൊറിയര്‍ ഷൈനിക്കു മാത്രമേ നല്‍കു എന്നു വാശിപിടിച്ച ആക്രമി ഷൈനി എത്തിയപ്പോള്‍ വാക്കു തര്‍ക്കത്തിലേര്‍പ്പെടുകയും തോക്കെടുത്ത് നിറയൊഴിക്കുകയുമായിരുന്നു. 

ആക്രമിച്ചത് ഒരു സ്ത്രീയാണെന്നാണ് ഷൈനി പൊലിസിനു നല്‍കിയ മൊഴി. 
ആക്രമിച്ച യുവതി മുഖം മറക്കുകയും, ഗ്ലൗസ് ധരിക്കുകയും ചെയ്തിരുന്നുവെന്ന് ഷൈനി പൊലിസിനോടു പറഞ്ഞു. പൊലീസ് സിസിടിവി ദൃശ്യങ്ങള്‍ അടക്കം ശേഖരിച്ച് അന്വേഷണം ആരംഭിച്ചു. വ്യക്തിപരമായ എന്തെങ്കിലും വിഷയങ്ങളാണോ വെടിവെപ്പില്‍ കലാശിച്ചതെന്ന് പൊലീസ് അന്വേഷിക്കുന്നുണ്ട്.