കല്‍പറ്റ: ഉരുള്‍പൊട്ടല്‍ ദുരന്തമേഖലയില്‍ രക്ഷപ്പെടുത്തിയത് 85 ല്‍ അധികം  പേരെ. പരുക്കേറ്റവരെ ആശുപത്രിയില്‍ പ്രവേശിപ്പിച്ചു. എന്‍ഡിആര്‍എഫ് സംഘം മുണ്ടക്കൈയില്‍ എത്തിയിട്ടുണ്ട്. ഉച്ചയോടെ കൂടുതല്‍ സംഘമെത്തുന്നതാണ്. മൃതദേഹങ്ങള്‍ മേപ്പാടി പിഎച്ച്‌സിയില്‍ ഉണ്ടെന്ന് ഡെപ്യൂട്ടി കലക്ടര്‍ അറിയിച്ചു.

പരുക്കേറ്റവരെ വിംസ് ആശുപത്രിയിലും എത്തിച്ചിട്ടുണ്ട്.  ഹെലികോപ്റ്റര്‍ മാര്‍ഗം എന്‍ഡിആര്‍എഫിന്റെ സുരക്ഷാസംഘം രാവിലെ സുല്‍ത്താന്‍ബത്തേരിയിലെത്തി. കല്‍പറ്റയില്‍ വെള്ളം കയറിയതുകൊണ്ടാണ് ബത്തേരിയിലിറങ്ങിയതെന്ന് ഡെപ്യൂട്ടി കലക്ടര്‍ പറഞ്ഞു.