നാദാപുരം: കരള്‍ മാറ്റിവച്ച കല്ലാച്ചിയിലെ അനുസുഭാഷിന്റെ ചികിത്സാ ഫണ്ടിലേക്ക് 'നമ്മുടെ ഇരിങ്ങണ്ണൂര്‍' വാട്‌സ്ആപ്പ് കൂട്ടായ്മയിലെ അംഗങ്ങള്‍ സ്വരൂപിച്ച തുക കുടുംബത്തിനു കൈമാറി. എടച്ചേരി ഗ്രാമപഞ്ചായത്ത് പ്രസിഡന്റ് ടി.കെ അരവിന്ദാക്ഷന്‍ കല്ലാച്ചിയിലെ സുഭാഷിന്റെ കുടുംബം ഉള്‍പ്പെടുന്ന സ്‌നേഹതീരം റസിഡന്റ്‌സ് അസോസിയേഷന്‍ പ്രസിഡന്റ് മോഹന്‍ദാസ് മാസ്റ്റര്‍ക്ക് തുക കൈമാറി.
സഞ്ജയ് പുത്തലത്ത് അധ്യക്ഷനായി. ഇരിങ്ങണ്ണൂര്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ പി. രാജ്കുമാര്‍ മുഖ്യപ്രഭാഷണം നടത്തി. മണലാട്ട് വത്സരാജ്, പി. ബിജു സംസാരിച്ചു.