നാദാപുരം: ടി.ഐ.എം ഗേള്‍സ് ഹയര്‍ സെക്കന്‍ഡറി സ്‌കൂളില്‍ നിന്ന് എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങളിലും എപ്ലസ് നേടിയ വിദ്യാര്‍ഥികള്‍ക്ക് സ്‌കൂള്‍ പി.ടി.എ അവാര്‍ഡുകള്‍ വിതരണം ചെയ്തു. 18 പേര്‍ അവാര്‍ഡ് ഏറ്റുവാങ്ങി. അനുമോദന യോഗം ജില്ലാ പഞ്ചായത്ത് അംഗം അഹമ്മദ് പുന്നക്കല്‍ ഉദ്ഘാടനം ചെയ്തു.
പി.ടി.എ പ്രസിഡന്റ് നാസര്‍ എടച്ചേരി അധ്യക്ഷനായി. എന്‍.എം.എം.എസ് ദേശീയ സ്‌കോളര്‍ഷിപ്പ് നേടിയ സ്‌കൂളിലെ ആറു വിദ്യാര്‍ഥികളെ ചടങ്ങില്‍ അഭിനന്ദിച്ചു. ഹെഡ്മാസ്റ്റര്‍ ഇ. സിദ്ദീഖ്, ടി.ഐ.എം സെക്രട്ടറി വി.സി ഇഖ്ബാല്‍, മുന്‍ ഹെഡ്മാസ്റ്റര്‍ എന്‍. മൊയ്തു, മണ്ടോടി ബഷീര്‍, പണാറത്ത് അസീസ്, പി. പുഷ്പ സംസാരിച്ചു.