പാരിസ്: ഒളിമ്പിക്‌സില്‍ ഗുസ്തി മത്സരത്തില്‍ അയോഗ്യയാക്കപ്പെട്ടതിന് പിന്നാലെ വിനേഷ് ഫോഗട്ട് നല്‍കിയ അപ്പീലില്‍ വിധി പറയുന്നത് നാളത്തേക്ക് മാറ്റി രാജ്യാന്തര കായിക കോടതി. നാളെ ഇന്ത്യന്‍ സമയം രാത്രി 9.30നാണ് വിധി പറയുക. വെള്ളി മെഡലിന് അര്‍ഹതയുണ്ടെന്ന് കാണിച്ചാണ് വിനേഷ് അന്താരാഷ്ട്ര കായിക കോടതിയില്‍ അപ്പീല്‍ നല്‍കിയത്. 

ഭാര പരിശോധനയില്‍ 100 ഗ്രാം അധികം വന്നതിനെതുടര്‍ന്നാണ് ഒളിമ്പിക്‌സ് ഫൈനലില്‍ നിന്ന് താരത്തെ അയോഗ്യയാക്കിയത്. മുതിര്‍ന്ന അഭിഭാഷകരായ ഹരീഷ് സാല്‍വെ, വിദുഷ്പത് സിംഘാനിയ എന്നിവരാണ് താരത്തിന് വേണ്ടി ഹാജരായത്. യൂണൈറ്റഡ് വേള്‍ഡ് റെസ്ലിങ്, ഇന്റര്‍നാഷണല്‍ ഒളിംപിക് കമ്മിറ്റി, ഐ.ഒ.എ എന്നിവരുടെയും വാദം കോടതി കേട്ടു.

Appeal by Vinesh Phogat The International Court of Sports extended the verdict