ചായയോട് ഇഷ്ടമുള്ളവർ നമ്മളിൽ ധാരാളമാണ്. രാവിലെയോ വൈകുന്നേരമോ ഒരു കപ്പ് ചായ പലർക്കും നിർബന്ധമാണ്. ക്ഷീണമോ യാത്രയോ വെറുതെ ഇരിക്കുമ്പോഴോ, ചായയ്‌ക്കൊപ്പം വട, ബിസ്‌ക്കറ്റ്, മുറുക്ക് തുടങ്ങിയ പലഹാരങ്ങൾ കഴിക്കുന്നത് ഒരു പ്രത്യേക രുചിയാണ്. എന്നാൽ, ചായയ്‌ക്കൊപ്പം എല്ലാ പലഹാരങ്ങളും കഴിക്കുന്നത് ആരോഗ്യത്തിന് നല്ലതാണോ? ചില പലഹാരങ്ങൾ ഒഴിവാക്കണമെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്.

പാത്ത്കൈൻഡ് ലാബ്‌സിലെ പാത്തോളജിസ്റ്റ് ഡോ. രാഹുൽ വർമ്മയുടെ അഭിപ്രായത്തിൽ, ചായയ്‌ക്കൊപ്പം എരിവുള്ളതോ വറുത്തതോ പൊരിച്ചതോ മധുരമുള്ളതോ ആയ ഭക്ഷണങ്ങൾ കഴിക്കുന്നത് ദഹനപ്രശ്നങ്ങൾക്ക് കാരണമാകും. ചായയ്‌ക്കൊപ്പം ഒഴിവാക്കേണ്ട ചില ഭക്ഷണങ്ങളെക്കുറിച്ച് ഡോക്ടർ പറയുന്നത്:

1. പാലുൽപ്പന്നങ്ങൾ

പാല്‍ ചായ കുടിക്കുന്നവർക്ക് ഇത് അത്ഭുതമായി തോന്നാം. എന്നാൽ, ചീസ്, ബട്ടർ ബൺസ് തുടങ്ങിയ പാലുൽപ്പന്നങ്ങൾ ചായയ്‌ക്കൊപ്പം കഴിക്കുന്നത് ദഹനപ്രശ്നങ്ങൾ ഉണ്ടാക്കാം. പാലിലെ കൊഴുപ്പ് ചായയിലെ ടാനിനുകളുമായി യോജിക്കാതെ വയറുവേദനയോ അസ്വസ്ഥതയോ സൃഷ്ടിക്കും.

2. എണ്ണക്കടികൾ

ചായക്കടയിലെ ചൂട് സമൂസ, വട, പഴംപൊരി, ബജ്ജി, പക്കോഡ തുടങ്ങിയവ ചായയ്‌ക്കൊപ്പം രുചികരമാണ്. എന്നാൽ, എണ്ണയിൽ വറുത്ത ഭക്ഷണങ്ങൾ ദഹനത്തെ മന്ദഗതിയിലാക്കുകയും അസിഡിറ്റിയോ അസ്വസ്ഥതയോ ഉണ്ടാക്കുകയും ചെയ്യും.

3. എരിവുള്ള പലഹാരങ്ങൾ

ക്ഷീണം മാറ്റാൻ ചായ കുടിക്കുമ്പോൾ എരിവുള്ള ഭക്ഷണങ്ങൾ കഴിക്കരുത്. സുഗന്ധവ്യഞ്ജനങ്ങൾ ചേർത്ത എരിവുള്ള പലഹാരങ്ങൾ ചായയ്‌ക്കൊപ്പം നെഞ്ചെരിച്ചിലിനും ദഹനപ്രശ്നങ്ങൾക്കും കാരണമാകും.

4. മധുരമുള്ള പലഹാരങ്ങൾ

ബിസ്‌ക്കറ്റ്, കേക്ക് തുടങ്ങിയ മധുരപലഹാരങ്ങൾ ചായയ്‌ക്കൊപ്പം രുചിയുള്ളവയാണ്. എന്നാൽ, ഇവ രക്തത്തിലെ പഞ്ചസാരയുടെ അളവ് വർധിപ്പിക്കുകയും വയറുവീർപ്പോ ദഹനപ്രശ്നങ്ങളോ ഉണ്ടാക്കുകയും ചെയ്യും.

5. സിട്രസ് പഴങ്ങൾ

ഓറഞ്ച്, നാരങ്ങ തുടങ്ങിയ സിട്രസ് പഴങ്ങൾ ചായയ്‌ക്കൊപ്പം കഴിക്കുന്നത് ദഹനപ്രശ്നങ്ങൾക്ക് കാരണമാകും. ഇവ ദീർഘകാലാടിസ്ഥാനത്തിൽ പൊണ്ണത്തടി, പ്രമേഹം, ഹൃദ്രോഗം തുടങ്ങിയ പ്രശ്നങ്ങൾക്കും വഴിയൊരുക്കാം.

നിര്‍ദേശം: ഇവിടെ നൽകിയിരിക്കുന്ന എല്ലാ വിവരങ്ങളും ശുപാർശകളും നിങ്ങളുടെ ധാരണയ്ക്ക് മാത്രമുള്ളതാണ്. ശാസ്ത്രീയ ഗവേഷണം, പഠനങ്ങൾ, മെഡിക്കൽ, ആരോഗ്യ പ്രൊഫഷണൽ ഉപദേശങ്ങൾ എന്നിവയുടെ അടിസ്ഥാനത്തിലാണ് ഞങ്ങൾ ഈ വിവരങ്ങൾ നൽകുന്നത്. ഇവ പിന്തുടരുന്നതിന് മുമ്പ് നിങ്ങളുടെ അടുത്തുള്ള മികച്ച ഡോക്‌ടറുടെ ഉപദേശം തേടേണ്ടത് അത്യാവശ്യമാണ്.

Health experts, including Dr. Rahul Varma from Pathkind Labs, caution against consuming certain snacks with tea due to potential digestive issues. Avoid dairy products like cheese or butter buns, as their high fat content doesn't mix well with tea's tannins, causing stomach discomfort. Fried snacks like samosas or vadas can slow digestion and cause acidity. Spicy snacks may lead to heartburn, while sugary treats like biscuits or cakes can spike blood sugar and cause bloating. Citrus fruits like oranges should also be avoided to prevent digestive problems and long-term health risks like obesity or diabetes.