മേപ്പാടി: വയനാട്ടിലെ ഉരുള്‍പൊട്ടല്‍ ദുരന്തബാധിത പ്രദേശങ്ങളില്‍ ഇന്നത്തെ ജനകീയ തെരച്ചില്‍ ആരംഭിച്ചു. മുണ്ടക്കൈ, ചൂരല്‍മല ഉള്‍പ്പെടെയുള്ള ആറ് സോണുകള്‍ കേന്ദ്രീകരിച്ച് രാവിലെ എട്ട് മണി മുതലാണ് തെരച്ചില്‍ ആരംഭിച്ചത്. ക്യാംപിലുള്ളവരില്‍ സന്നദ്ധരായവരെ കൂടി ഉള്‍പ്പെടുത്തിയാവും തെരച്ചില്‍. 

രാവിലെ ഒന്‍പത് മണിക്കകം രജിസ്റ്റര്‍ ചെയ്തവര്‍ക്ക് മാത്രമേ ദുരന്തമേഖലയിലേക്ക് പ്രവേശനം അനുവദിക്കൂ. പ്രാദേശിക ജനപ്രതിനിധികള്‍, സന്നദ്ധ പ്രവര്‍ത്തകര്‍ തുടങ്ങിയവരും പങ്കെടുക്കുന്നുണ്ട്. 

തെരച്ചിലില്‍ പങ്കെടുക്കുന്നവരുടെ സുരക്ഷ പരിഗണിച്ചാണ് തീരുമാനം. നാളെ പുഴയുടെ താഴെ ഭാഗങ്ങളില്‍ സേനയെ ഉപയോഗിച്ച് തെരച്ചില്‍ നടത്തും. 

അതേസമയം, ചൂരല്‍മല മേപ്പാടി ഉരുള്‍പൊട്ടലില്‍ കാണാതായവരുടെ തിരച്ചിലിനായി കരട് പട്ടിക തയ്യാറാക്കി. നിലവില്‍ 130 പേരാണ് ഉള്‍പ്പെട്ടിട്ടുള്ളത്.

A massive search operation commenced today in the landslide-hit areas of Meppadi in Wayanad, Kerala. The operation, which started at 8 am, focuses on six zones, including Mundakkai and Chooralmala. Volunteers from relief camps are also participating in the search efforts.