ഭു​വ​നേ​ശ്വ​ർ: ജയിൽവാസത്തിനിടെ പരോളിലിറങ്ങി മുങ്ങി കേരളത്തിൽ ആൾമാറാട്ടം നടത്തി ജോലി ചെയ്യുന്നതിനിടെ പിടിയിലായ ബി​ട്ടി ഹോ​ത്ര മൊ​ഹ​ന്തി (40) മരിച്ചു. അ​ർ​ബു​ദ​ ബാ​ധി​ത​നാ​യി ചി​കി​ത്സ​യി​ലി​രി​ക്കെ​ ഭു​വ​നേ​ശ്വ​റി​ലെ എ​യിം​സി​ലാണ് മ​ര​ണം. ഒഡിഷ സ്വദേശിയാണ്. ഒ​ഡി​ഷ മു​ൻ ഡി.​ജി.​പി (ജ​യി​ൽ) ബി.​ബി. മൊ​ഹ​ന്തി​യു​ടെ മ​ക​നാ​ണ് മരിച്ച ബി​ട്ടി ഹോ​ത്ര മൊ​ഹ​ന്തി​.

രാ​ജ​സ്ഥാ​നി​ൽ ജ​ര്‍മ​ന്‍ യു​വ​തി​യെ ബ​ലാ​ത്സം​ഗം ചെ​യ്ത കു​റ്റ​ത്തി​ന് ശി​ക്ഷ അ​നു​ഭ​വിക്കുന്നതിനിടെയാണ് പ​രോ​ളി​ലി​റ​ങ്ങി ഇയാൾ മുങ്ങിയത്.  2006ല്‍ രോ​ഗി​യാ​യ അ​മ്മ​യെ കാ​ണാ​ൻ എന്ന കാരണം കാണിച്ചാണ് പരോൾ നേടിയത്. എന്നാൽ പിന്നീട് അവിടെ നിന്ന് മുങ്ങി കേരളത്തിലെത്തിയ ഇയാൾ രാ​ഘ​വ് രാ​ജ് എന്ന പേരിലാണ് കേരളത്തിലെ കണ്ണൂരിൽ താമസിച്ച് വന്നിരുന്നത്.

രാ​ഘ​വ് രാ​ജ് എ​ന്ന പുതിയ പേ​രി​ൽ പ​ത്താം ക്ലാ​സ് മു​ത​ല്‍ എ​ന്‍ജി​നീ​യ​റി​ങ് ഡി​ഗ്രി വരെയുള്ള സ​ര്‍ട്ടി​ഫി​ക്ക​റ്റ്  ഇയാൾ വ്യാ​ജ​മാ​യി ഉ​ണ്ടാ​ക്കിയാണ് കേരളത്തിൽ ഇയാൾ താമസിച്ചിരുന്നത്. ഇതിനിടെ ക​ണ്ണൂ​ര്‍ സ​ര്‍വ​ക​ലാ​ശാ​ല​യി​ല്‍നി​ന്ന് എം.​ബി.​എ ബി​രു​ദ​മെ​ടു​ത്തു. പിന്നാലെ, സ്റ്റേറ്റ് ബാങ്ക് ഓഫ് ട്രാവൻകൂർ (നിലവിൽ സ്റ്റേറ്റ് ബാങ്ക് ഓഫ് ഇന്ത്യ) ശാ​ഖ​യി​ല്‍ പ്ര​ബേ​ഷ​ന​റി ഓ​ഫി​സ​റാ​യി ജോ​ലി​യി​ല്‍ പ്ര​വേ​ശി​ച്ചു. അ​ഞ്ചു​വ​ര്‍ഷം ക​ണ്ണൂ​രി​ല്‍ താ​മ​സി​ച്ച ബി​ട്ടി​യെ 2013 ലാണ് പിടികൂടിയത്.

രാ​ഘ​വ് രാ​ജ് എ​ന്ന വ്യാജ പേ​രി​ല്‍ കണ്ണൂരിൽ ക​ഴി​യു​ന്ന​ത് ബി​ട്ടി മൊ​ഹ​ന്തി​യാ​ണെ​ന്നു​കാ​ണി​ച്ച് ബാ​ങ്ക് അ​ധി​കൃ​ത​ര്‍ക്കും പൊ​ലി​സി​നും ല​ഭി​ച്ച ഒ​രു കത്താണ് വഴിത്തിരിവായത്. പിന്നാലെ  പ​ഴ​യ​ങ്ങാ​ടി പൊ​ലി​സ് കേ​സെ​ടു​ക്കു​ക​യാ​യി​രു​ന്നു. എ​ന്നാ​ൽ, രാ​ഘ​വ് രാ​ജ് ബി​ട്ടി​യാ​ണെ​ന്ന് തെ​ളി​യി​ക്കാ​ൻ പ്രാ​ഥ​മി​ക അ​ന്വേ​ഷ​ണ​ത്തി​ൽ പൊലിസിനു സാ​ധി​ച്ചി​രു​ന്നി​ല്ല. തു​ട​ർ​ന്ന് നടത്തിയ വിശദ പരിശോധനയിലാണ് പ്രതിയെ വ്യക്തമായത്. പിന്നാലെ രാ​ജ​സ്ഥാ​ൻ പൊ​ലി​സ് വീ​ണ്ടും അ​റ​സ്റ്റ് രേ​ഖ​പ്പെ​ടു​ത്തി. 

2023ൽ ​സു​പ്രീം​കോ​ട​തിയിൽനിന്ന് ജാ​മ്യം നേടി ഒ​ഡി​ഷ​യി​ലെ​ത്തി ഹൈ​കോ​ട​തി അ​ഭി​ഭാ​ഷ​ക​നാ​യി പ്രാ​ക്ടീ​സ് ചെ​യ്യുകയായിരുന്നു ബിട്ടി മൊഹന്തി. ഇതിനിടെയാണ് അസുഖബാധിതനായി ചികിത്സയിലായത്.