ധാക്ക: ഷെയ്ഖ് ഹസീനയുടേതായി പുറത്തുവന്ന കത്തിന്റെ ഉള്ളടക്കം നിഷേധിച്ച് ഹസീനയുടെ മകന്‍ സജീബ് വാസെദ്. ബംഗ്ലാദേശിലെ തന്റെ സര്‍ക്കാരിനെ മറിച്ചിടാന്‍ യു.എസ് ഗൂഢാലോചന നടത്തിയെന്ന രീതിയിലാണ് വാര്‍ത്ത പുറത്തുവന്നത്. എന്നാല്‍ ഇത് പൂര്‍ണമായും തെറ്റാണെന്നും കെട്ടിച്ചമച്ചതാണെന്നും എക്‌സ് പോസ്റ്റില്‍ സജീബ് പറഞ്ഞു.

തന്റെ മാതാവ് രാജിവച്ചതിനു ശേഷം പുറത്തുവിടാന്‍ തയാറാക്കിയ കുറിപ്പെന്ന പേരില്‍ പ്രചരിച്ച വാര്‍ത്ത തെറ്റാണെന്നാണ് സജീബ് പറയുന്നത്. താന്‍ ഇക്കാര്യം മാതാവിനോട് ചോദിച്ച് ഉറപ്പുവരുത്തിയെന്ന് സജീബ് പറഞ്ഞു. ധാക്ക വിടുന്നതുവരെ അവര്‍ ഒരു പ്രസ്താവനയും നടത്തിയിരുന്നില്ലെന്നും സജീബ് പറഞ്ഞു.