മേപ്പാടി: ചൂരല്‍മലയില്‍ ശക്തമായ മഴ. വയനാട് ഉരുള്‍പൊട്ടല്‍ ദുരന്ത മുഖത്ത് നിര്‍മ്മിച്ച ബെയ്‌ലി പാലത്തിന് സമീപം പുഴയില്‍ കുത്തൊഴുക്കില്‍ പശു കുടുങ്ങി. പ്രദേശത്ത് കനത്ത മഴ പെയ്യുന്നതിനിടെ പുഴയിലുണ്ടായ കുത്തൊഴുക്കില്‍ പശു കുടുങ്ങുകയായിരുന്നു. ഫയര്‍ ഫോഴ്‌സ് സേനാംഗങ്ങള്‍ നടത്തിയ കഠിനാധ്വാനത്തിലൂടെ പശുവിനെ കരയ്ക്ക് കയറ്റി. 

സ്ഥലത്ത് രക്ഷാപ്രവ!ര്‍ത്തനത്തിന് എത്തിയ ദൗത്യസംഘത്തിന് മുന്നില്‍ വച്ചാണ് ഇന്ന് വൈകീട്ടോടെ പുഴയില്‍ പശു അകപ്പെട്ടത്. ഫയര്‍ഫോഴ്‌സ് ഉദ്യോഗസ്ഥര്‍ ഉടന്‍ തന്നെ പുഴയിലേക്ക് നീങ്ങി പശുവിനെ രക്ഷിക്കുകയായിരുന്നു. ഇവിടെ അതിശക്തമായ മഴയാണ് പെയ്യുന്നത്. മൃഗസംരക്ഷണ വകുപ്പിന്റെ സേവനം  ലഭ്യമാക്കി.