മേപ്പാടി: മുണ്ടക്കൈ ദുരന്തത്തില്‍ മരിച്ചവരില്‍ തിരിച്ചറിയാത്ത അഞ്ച് ശരീര ഭാഗങ്ങള്‍ക്കൂടി ഇന്ന് സംസ്‌കരിച്ചു. കഴിഞ്ഞ ദിവസം ചാലിയാറില്‍ നിന്ന്  കണ്ടെത്തിയ മൃതദേഹങ്ങളുടെ ഭാഗങ്ങളാണ് ഇന്ന് പുത്തുമലയില്‍ സംസ്‌കരിച്ചത്.

അതേസമയം ദുരന്തത്തില്‍ കാണാതായവര്‍ക്കായുള്ള തിരച്ചില്‍ തുടരുകയാണ്. ചൂരല്‍മലയില്‍ നടത്തിയ തിരച്ചിലില്‍ നാലും ലക്ഷത്തോളം രൂപ കണ്ടെടുത്തു. ഫയര്‍ ഫോഴ്‌സ്,സിവില്‍ ഡിഫന്‍സ് എന്നിവര്‍ നടത്തിയ തിരച്ചിലിലാണ് പണം കണ്ടെത്തിയത്. വെള്ളാര്‍മല സ്‌കൂളിന്റെ പിറകില്‍ നിന്നാണ് പ്ലാസ്റ്റിക് കവറില്‍ പൊതിഞ്ഞ നിലയില്‍ പണം കണ്ടെത്തിയത്. മേഖലയിലെ ഭൗമശാസ്ത്ര വിദഗ്ധന്‍ ഡോക്ടര്‍ ജോണ്‍ മത്തായിയുടെ നേതൃത്വത്തിലുള്ള പഠനം തുടരുകയാണ്.