കോഴിക്കോട്: രാജ്യത്തെ ബലാൽസംഗക്കേസ് പ്രതികളിൽ മുക്കാലും രക്ഷപ്പെടുന്നുവെന്ന് എൻ.സി.ആർ.ബി റിപ്പോർട്ട്. 2022ലെ കൊലക്കേസ് പ്രതികളിൽ 43.8 ശതമാനം പേർ ശിക്ഷിക്കപ്പെട്ടപ്പോൾ സ്ത്രീകൾക്കെതിരായ കുറ്റകൃത്യങ്ങളിൽ 27.4 പേർക്കാണ് ശിക്ഷ വിധിച്ചത്.

കൊൽക്കത്തയിലെ മെഡിക്കൽകോളജിൽ യുവഡോക്ടറെ ക്രൂരമായ ബലാൽസംഗത്തിനിരയാക്കി കൊലപ്പെടുത്തിയ സംഭവത്തിൽ രാജ്യത്തെങ്ങും പ്രക്ഷോഭങ്ങൾ നടക്കവെ മറ്റു സംസ്ഥാനങ്ങളിലും സമാന സംഭവങ്ങൾ നടക്കുന്നുണ്ട്. സ്ത്രീകൾക്കെതിരായ അതിക്രമക്കേസുകളിൽ എത്രയും പെട്ടെന്ന് തീർപ്പുണ്ടാക്കണമെന്ന് കഴിഞ്ഞ ദിവസം പ്രധാനമന്ത്രി നിർദേശിക്കുകയുണ്ടായി.

പൊലിസ്, പ്രോസിക്യൂഷൻ, കോടതി എന്നിവയുമായി ബന്ധപ്പെട്ടാണ് കേസുകളുടെ ഗതി. സംഭവം നടന്ന ഉടനെയുള്ള മണിക്കൂറുകൾ ഏറെ നിർണായകമാണെന്ന് നിയമവിദഗ്ധർ ചൂണ്ടിക്കാട്ടുന്നു. തെളിവുകൾ പരമാവധി ശേഖരിക്കേണ്ടത് പൊലിസാണ്. മിക്ക കേസുകളിലും ജനങ്ങളുടെ പ്രക്ഷോഭം കാരണം സി.ബി.ഐക്ക് വിടുന്നുണ്ടെങ്കിലും ആദ്യ തെളിവുശേഖരണം നടത്തുന്നത് പൊലിസാണ്. ഇവിടെ സംഭവിക്കുന്ന വീഴ്ച കുറ്റവാളികൾ രക്ഷപ്പെടാൻ ഇടയാക്കുന്നുവെന്ന് രേഖകൾ പറയുന്നു. കൊൽക്കത്തയിൽ 14 മണിക്കൂർ കഴിഞ്ഞാണ് എഫ്.ഐ.ആർ രേഖപ്പെടുത്തുന്നത്.

സ്ത്രീകൾക്കെതിരായ അതിക്രമങ്ങളുമായി ബന്ധപ്പെട്ട കേസുകൾ ഏറെയും രാജസ്ഥാൻ, മഹാരാഷ്ട്ര, ഉത്തർപ്രദേശ്, കേരള, ഛത്തീസ്ഗഡ് സംസ്ഥാനങ്ങളിലാണ്. 442572 പേരെ 2022ൽ കാണാതായപ്പോൾ അതിൽ 293500 പേർ സ്ത്രീകളാണെന്നും നാഷനൽ ക്രൈം റിപ്പോർട്ട് പറയുന്നു.

A recent NCRB report reveals that nearly a third of rape accused in India escape conviction due to lapses in evidence collection. In 2022, out of the 445,256 registered cases of sexual offenses against women, only 27.4% led to convictions. This highlights ongoing challenges in the judicial handling of such cases and the need for immediate resolution as emphasized by the Prime Minister.