തിരുവനന്തപുരം: കോണ്‍ഗ്രസ്സില്‍ ഏതെങ്കിലും ഗ്രൂപ്പില്‍ അംഗമാവാതെ പിടിച്ചുനില്‍ക്കാന്‍ കഴിയില്ലെന്ന് വി.ടി ബല്‍റാം എം.എല്‍.എ. കേരളത്തിലെ കോണ്‍ഗ്രസ്സുകാര്‍ ഗ്രൂപ്പുകളിലേക്ക് പിറന്നുവീഴുന്ന അവസ്ഥയാണ് നിലവിലുള്ളതെന്നും ബല്‍റാം പറഞ്ഞു. കെ.എസ്.യുവിലെ ഗ്രൂപ്പുകള്‍ക്കെതിരേ സംഘടിപ്പിച്ച കൂട്ടായ്മയില്‍ സംസാരിക്കുകയായിരുന്നു ബല്‍റാം.

നമ്മളൊക്കെ ജനിക്കുന്നതിന് മുമ്പുണ്ടായ പ്രശ്‌നങ്ങളുടെ പേരിലാണ് കോണ്‍ഗ്രസ്സില്‍ ഇപ്പോഴും ഗ്രൂപ്പുകള്‍ നിലനില്‍ക്കുന്നതെന്ന് കൂട്ടായ്മയില്‍ ബല്‍റാം പറഞ്ഞു. ഇതിനാല്‍ പ്രവര്‍ത്തകര്‍ ചെറുപ്പം മുതലേ വന്ധ്യംകരിക്കപ്പെടുന്നു. കോണ്‍ഗ്രസ്സില്‍ തലമുറമാറ്റം ആവശ്യപ്പെട്ടവര്‍ 70ഉം 80ഉം വയസ്സ് കഴിഞ്ഞിട്ടും നേതാക്കളായി തുടരുന്നു.