തിരുവനന്തപുരം: നടിയെ പീഡിപ്പിച്ചെന്ന കേസിൽ കൊല്ലം എം.എൽ.എയും നടനുമായ മുകേഷിന് സർക്കാരിന്റെ സംരക്ഷണം. കേസിൽ മുകേഷിന് മുൻകൂർ ജാമ്യം അനുവദിച്ച പ്രിൻസിപ്പൽ സെഷൻസ് കോടതി വിധിക്കെതിരെ സർക്കാർ അപ്പീൽ നൽകില്ല. അപ്പീൽ ആവശ്യപ്പെട്ട് പ്രത്യേക അന്വേഷണ സംഘം നൽകിയ കത്ത് പ്രോസിക്യൂഷൻ മടക്കും. അപ്പീലിന് സാധ്യത ഇല്ലെന്ന് മറുപടി നൽകും. 

അപ്പീൽ നൽകുന്നതിനുള്ള പ്രത്യേക അന്വേഷണ സംഘത്തിന്റെ നടപടികൾ പുരോഗമിക്കുന്നതിനിടെയാണ് ആഭ്യന്തര വകുപ്പിൻറെ ഇടപെടൽ. മുൻകൂർ ജാമ്യത്തിനെതിരെ ഹൈക്കോടതിയിൽ അപ്പീൽ നൽകാനായിരുന്നു പ്രത്യേക അന്വേഷണ സംഘത്തിന്റെ മുൻതീരുമാനം. ഇതിനിടെയാണ് സർക്കാരിന്റെ അസാധാരണ ഇടപെടലുണ്ടായത്. ഇത് സമാനമായി ജാമ്യം ലഭിച്ച ഇടവേള ബാബുവിനും ഗുണം ചെയ്യും. ഒരാളുടെ കാര്യത്തിൽ മാത്രം വ്യത്യസ്തമായ തീരുമാനം എടുക്കാൻ സർക്കാരിനാവില്ല.

സർക്കാർ അഭിഭാഷകരിൽ നിന്ന് നിയമോപദേശം തേടിയശേഷമാണ് പ്രത്യേക അന്വേഷണ സംഘം ഹൈക്കോടതിയിൽ അപ്പീൽ നൽകാനുള്ള നടപടികൾ നേരത്തെ ആരംഭിച്ചിരുന്നത്. സെഷൻസ് കോടതി മുൻകൂർ ജാമ്യം നൽകിയത് കേസിന്റെ അന്വേഷണത്തെ ബാധിക്കുമെന്ന നിലപാടിലാണ് സംഘം ഉണ്ടായിരുന്നത്. ഇത് ചൂണ്ടികാട്ടി അപ്പീൽ നൽകാനിരിക്കെയാണ് സർക്കാരിന്റെ അപ്രതീക്ഷിത വിലക്ക് വന്നത്.
 
എറണാകുളം സ്വദേശിയായ നടിയുടെ പരാതിയിലാണ് മുകേഷി‌നെതിരെ മരട് പൊലിസ് കേസെടുത്തിട്ടുള്ളത്. ഐപിസി. 354, 509, 452 എന്നീ വകുപ്പുകൾ ചുമത്തിയാണ് കേസെടുത്തിരുന്നത്. കേസിൽ മുകേഷ് മുൻ‌കൂർ ജാമ്യം തേടി പ്രിൻസിപ്പൽ സെഷൻസ് കോടതിയെ സമീപിച്ചിരുന്നു. ഇത് പരിഗണിക്കവെ പരാതിക്കാരിയുടെ മൊഴിയിൽ വൈരുധ്യങ്ങളുണ്ടെന്ന് കോടതി നിരീക്ഷിച്ചിരുന്നു. ബലപ്രയോഗത്തിലൂടെയുള്ള ലൈംഗിക പീഡനം എന്ന വാദം കോടതി പൂർണമായും തള്ളുകയും ചെയ്തു. ഇതിന് പിന്നാലെയാണ് മുകേഷിന് മുൻകൂർ ജാമ്യം അനുവദിച്ചത്.

In the case involving the actress assault allegation, Kollam MLA and actor Mukesh has been granted government protection. The Principal Sessions Court had previously granted Mukesh anticipatory bail, and the government has decided not to appeal this decision. The prosecution will respond by stating that there is no likelihood of appeal.