ചെന്നൈ: വിനോദ സഞ്ചാരികള്‍ക്ക് ഊട്ടി, കൊടൈക്കനാല്‍ എന്നിവിടങ്ങളിലേക്ക് ഏര്‍പ്പെടുത്തിയ ഇ-പാസ് സമ്പ്രദായം മദ്രാസ് ഹൈകോടതിയുടെ പുന:പരിശോധന ഉത്തരവ് വരുന്നതുവരെ തുടരുമെന്ന് ജില്ല കലക്ടര്‍മാര്‍ വ്യക്തമാക്കി. 

മേയ് ഏഴുമുതലായിരുന്നു ഇ പാസ് നിര്‍ബന്ധമാക്കിയത്. അതേസമയം സെപ്റ്റംബര്‍ 30ഓടെ നേരത്തെയുള്ള ഉത്തരവിന്റെ കാലാവധി അവസാനിച്ചിരുന്നു. 13.13 ലക്ഷം വിനോദ സഞ്ചാരികളാണ് ഇ പാസ് സമ്പ്രദായം ഏര്‍പ്പെടുത്തിയശേഷം ഇവിടെയെത്തിയത്. 2,91,561 വാഹനങ്ങള്‍ കൊടൈക്കനാലിലേക്ക് വരുന്നതിനായി രജിസ്റ്റര്‍ ചെയ്തുവെങ്കിലും 1,09,636 വാഹനങ്ങള്‍ മാത്രമാണ് എത്തിയത്.

ഇ-പാസ് ലഭ്യമാക്കുന്നതിനുള്ള സംവിധാനം ചെക്‌പോസ്റ്റുകളില്‍ ഏര്‍പ്പെടുത്തിയിരുന്നു. അതേസമയം സര്‍ക്കാര്‍ ബസ്, ട്രെയിന്‍ യാത്രക്കാര്‍ക്ക് ഈ നിബന്ധനകള്‍ ബാധകമല്ല. ഊട്ടി, കൊടൈക്കനാല്‍ എന്നിവിടങ്ങളിലേക്കുള്ള വാഹനതിരക്ക് ക്രമാതീതമായി വര്‍ധിച്ച സാഹചര്യത്തിലായിരുന്നു കോടതി ഇടപെടല്‍.

 The Madras High Court has directed the continuation of e-pass requirements for tourists visiting Ooty and Kodaikanal until further review, ensuring regulated tourism and COVID-19 safety.