കേരളത്തിനുള്ളില്‍ ഗവണ്‍മെന്റ്/എയ്ഡഡ് കോഴ്‌സുകളില്‍ മെറിറ്റില്‍ അഡ്മിഷന്‍ എടുത്തിട്ടുള്ള SC, ST, OEC, OBC, OBCH, General (Forward Caste) കാറ്റഗറികളില്‍പ്പെടുന്ന വിദ്യാര്‍ഥികള്‍ക്ക് ഇപ്പോള്‍ ഇഗ്രാന്റ്‌സ് സ്‌കോളര്‍ഷിപ്പികള്‍ക്ക് അപേക്ഷിക്കാവുന്നതാണ്.

ഹയര്‍ സെക്കണ്ടറി, ഡിഗ്രി, പിജി തുടങ്ങിയ വിവിധ കോഴ്‌സുകളിലെ വിദ്യാര്‍ത്ഥികള്‍ക്ക് ഫീ ഇളവ് ലഭിക്കുന്ന സ്‌കോളര്‍ഷിപ്പ് ആണിത്. OBC, OBCH, General (Forward Caste) വിഭാഗങ്ങളില്‍പ്പെട്ട ഒരു ലക്ഷത്തില്‍ താഴെ വാര്‍ഷിക വരുമാനമുള്ളവര്‍ക്ക് അപേക്ഷിക്കാം.

SC, ST, OEC വിഭാഗത്തില്‍പ്പെട്ടവര്‍ക്ക് വരുമാന പരിോധി ബാധകമല്ല. ഹയര്‍ സെക്കന്ററി മുതല്‍ ഉയര്‍ന്ന കോഴ്‌സുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് അപേക്ഷിക്കാനാകുക. മാനേജ്‌മെന്റ് സീറ്റില്‍ അഡ്മിഷന്‍ നേടിയവര്‍ക്ക് അപേക്ഷിക്കാന്‍ സാധിക്കില്ല. കോഴ്‌സിന്റെ ആദ്യ വര്‍ഷം തന്നെ അപേക്ഷ സമര്‍പ്പിക്കേണ്ടതാണ്.

വിദ്യാഭ്യാസ വാർത്തകള്‍ telegram ലഭിക്കാന്‍ ക്ലിക് ചെയ്യുക

അപേക്ഷിക്കാന്‍ ആവശ്യമായ രേഖകള്‍

 Admission Memo / Allotment Memo 
 SSLC Certificate
 +2 Mark list 
 Communtiy Certificate /Caste Certificate 
 Income Certificate 
 Nativtiy Certificate
 Bank Passbook
 Aadhaar Card 
 Hostel Inmate Certificate
 Degree Certificate ( For PG Students)

അപേക്ഷിക്കുന്ന വിദ്യാര്‍ത്ഥികള്‍ക്ക് ട്യൂഷന്‍ ഫീ, എക്‌സാം ഫീ, സ്‌പെഷ്യല്‍ ഫീ തുടങ്ങിയവ ആണ് സ്‌കോളര്‍ഷിപ്പ് തുകയായി ലഭിക്കുക. SC,ST വിദ്യാര്‍ത്ഥികള്‍ക്ക് ഹോസ്റ്റല്‍ ഗ്രാന്റ് കൂടെ ലഭിക്കുന്നതാണ്. ആദ്യ വര്‍ഷം അപേക്ഷ സമര്‍പ്പിക്കാത്ത പക്ഷം ട്യൂഷന്‍ ഫീ, എക്‌സാം ഫീ തുടങ്ങിയവ വിദ്യാര്‍ത്ഥി അടക്കേണ്ടി വരുമെന്നതിനാല്‍ അര്‍ഹരായ ഓരോ വിദ്യാര്‍ത്ഥിയും നിര്‍ബന്ധമായും ഇ ഗ്രാന്റ്‌സ് അപേക്ഷ സമര്‍പ്പിക്കുക. അഡ്മിഷന്‍ സ്ഥിരപ്പെടുത്തിയ ശേഷം മാത്രം അപേക്ഷ സമര്‍പ്പിക്കുക. കോഴ്‌സ് /കോളേജ് മാറാന്‍ സാധ്യത ഉണ്ടെങ്കില്‍ അപേക്ഷ ഉടനെ സമര്‍പ്പിക്കരുത്.

സ്‌കോളര്‍ഷിപ്പ് തുക തടസ്സമില്ലാതെ ലഭിക്കുന്നതിനായി നിങ്ങളുടെ ബാങ്ക് അക്കൗണ്ട് ആധാറുമായി സീഡ് ചെയ്തിട്ടുണ്ടെന്ന് ഉറപ്പ് വരുത്തുക. കഴിഞ്ഞ അക്കാദമിക വര്‍ഷം മുതല്‍ ഇഗ്രാന്റ്‌സിന്റെ കൂടെ മറ്റൊരു സ്‌കോളര്‍ഷിപ്പ് സ്വീകരിക്കാന്‍ പാടില്ല. ആയതിനാല്‍ വിദ്യാര്‍ത്ഥികള്‍ മറ്റു സ്‌കോളര്‍ഷിപ്പുകള്‍ക്കും അപേക്ഷിക്കുകയും ലഭിക്കുകയും ചെയ്താല്‍ ഏറ്റവും വലുത് നിലനിര്‍ത്തി മറ്റുള്ളവ കാന്‍സല്‍ ചെയ്യുകയോ തിരിച്ച് അയക്കുകയോ ചെയ്യേണ്ടതാണ്.

Apply for e-Grants Scholarship Opportunity for Higher Secondary Degree and PG students

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക