തിരുവനന്തപുരം: ബി.ജെ.പിയില്‍ ചേര്‍ന്ന മുന്‍ ഡിജിപി ആര്‍. ശ്രീലേഖ വളരെ നേരത്തെ തന്നെ സംഘപരിവാര്‍ ബന്ധമുള്ളയാളാണെന്ന് ഹിന്ദു ഐക്യവേദി നേതാവ് കെ.പി ശശികല. 12 വര്‍ഷം മുന്‍പ് ശ്രീലേഖ സംഘപരിവാര്‍ പരിപാടിയില്‍ പങ്കെടുത്തെന്ന് ശശികല പറഞ്ഞു. ഫേസ്ബുക്കിലൂടെയായിരുന്നു പ്രതികരണം.

ഫേസ്ബുക്ക് കുറിപ്പിന്റെ പൂര്‍ണ്ണരൂപം, 

ഒരു വ്യാഴ വട്ടത്തില്‍ മുന്‍പ് സംഘത്തിന്റെ പ്രാന്ത കാര്യാലയത്തിലെ ദീപാവലി കുടുംബ സംഗമം . ഉദ്ഘാടക ശ്രീമതി ശ്രീലേഖ IPS, മുഖ്യ പ്രഭാഷണം ഞാനും. പരിപാടി തുടങ്ങുന്നതിന്റെ പത്തുമിനിറ്റു  മുന്‍പേ അവര്‍ വേദിയിലെത്തി . . പാറി പറന്ന മുടി... മുഖത്ത് ഒരു മെയ്ക്കപ്പുമില്ല. അവരുടെ tsyle അതായിരിക്കും എന്ന് ഞാന്‍ കരുതി. പക്ഷേ അതായിരുന്നില്ല  കാര്യം  അവരുടെ പ്രിയപ്പെട്ട ആരുടേയോ ('അച്ഛന്റെ യാണെന്നാണോര്‍മ്മ ) ആണ്ടു ബലിയായിരുന്നത്രെ അന്ന്. ബലിയിട്ട് വീട്ടില്‍ പോലും പോകാതെ ഓടിക്കിതച്ചു വന്നതാണ്. അതിന് അവരു പറഞ്ഞ കാര്യം ഇന്നും മനസ്സില്‍ തങ്ങി നില്ക്കുന്നു.' സംഘ പരിപാടിയല്ലേ സമയ നിഷ്ഠ കര്‍ശനമാകുമല്ലോ ' എന്ന് ' അവര്‍ സംഘത്തെ മുന്നേ അറിഞ്ഞിരുന്നു എന്നതാണ് വസ്തുത.

KP Sasikala facebook post on ex-IPS Srilekhas entry into BJP