മസ്‌കത്ത്: അവധി കഴിഞ്ഞ് സ്ലൊവേനിയയിലെ ജോലിസ്ഥലത്തേക്ക് മടങ്ങുന്നതിനിടെ വിമാനത്തില്‍ വെച്ച് ഹൃദയാഘാതമുണ്ടായ മലയാളി യുവാവ് മരിച്ചു. പുത്തന്‍വേലിക്കര തുരുത്തൂര്‍ ഒളാട്ടുപുറത്ത് മെബിന്‍ ടോമി (24) ആണ് മരിച്ചത്. കൊച്ചിയില്‍ നിന്ന് ഒമാന്‍ വഴി സ്ലൊവേനിയയിലേക്കുള്ള യാത്രയ്ക്കിടെയായിരുന്നു അന്ത്യം.
ടോമി വിന്‍സന്റ് - മേരി നിമ്മി ദമ്പതികളുടെ മകനാണ്. കഴിഞ്ഞ ഫെബ്രുവരി 23നാണ് മെബിന്‍ നാട്ടില്‍ നിന്ന് മടങ്ങിയത്. ഒമാനില്‍ നിന്നുള്ള കണക്ഷന്‍ വിമാനം പറന്നുയര്‍ന്ന ഉടന്‍ മെബിന് ഹൃദയാഘാതമുണ്ടാവുകയായിരുന്നു. തുടര്‍ന്ന് വിമാനം അടിയന്തരമായി തിരിച്ചിറക്കി ഒമാനിലെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
മൃതദേഹം ഇന്ന് രാവിലെ ഏഴ് മണിയോടെ കൊച്ചിയിലെത്തിച്ചു. സംസ്‌കാരം വൈകിട്ട് 4.30ന് തുരുത്തൂര്‍ സെന്റ് തോമസ് സീനായ് മൗണ്ട് പള്ളി സെമിത്തേരിയില്‍ നടക്കും. മേരി മീനു ഏക സഹോദരിയാണ്.

English Summary: A 24-year-old Malayali youth, Mebin Tomy, passed away after suffering a cardiac arrest whilet raveling from Kochi to Slovenia via Oman. Mebin, a resident of Puthenvelikkara, Ernakulam, was returning to Slovenia for work after a vacation.
The incident occurred shortly after his flight took off from Oman on February 23. Although the aircraft made an emergency landing and he was rushed to a hospital in Oman, his life could not be saved. He is the son of Tomy Vincent and Mary Nimmi.