തിരുവനന്തപുരം: കൊല്ലം-എറണാകുളം മെമു ട്രെയിന്‍ ശനിയാഴ്ചയും സര്‍വീസ് നടത്താനൊരുങ്ങുന്നു. ഡല്‍ഹിയില്‍ റെയില്‍വേ സഹമന്ത്രി വി സോമണ്ണയുമായി കൊടിക്കുന്നില്‍ സുരേഷ് എംപി നടത്തിയ കൂടിക്കാഴ്ചയിലാണ് ഉറപ്പ് ലഭിച്ചത്. നേരത്തെ തന്നെ സര്‍വീസ് ആറ് ദിവസമായി ഉയര്‍ത്തണമെന്ന ആവശ്യം ഉയര്‍ന്നിരുന്നു.റെയില്‍വേ ബോര്‍ഡിന്റെ അനുമതി ലഭിക്കുന്നതുവരെ പുനലൂര്‍-എറണാകുളം മെമു റാക്ക് നിലവിലെ സര്‍വീസ് തുടരും. അതേസമയം ചെറിയനാട് റെയില്‍വേ സ്റ്റേഷനില്‍ മെമു ട്രെയിനിന് അധിക സ്റ്റോപ്പും അനുവദിക്കും.

നേരത്തെ തിങ്കള്‍ മുതല്‍ വെള്ളി വരെയുള്ള അഞ്ചുദിവസം മെമു ട്രെയിന്‍ സര്‍വീസ് നടത്തുമെന്നായിരുന്നു അറിയിച്ചിരുന്നത്. എട്ട് കോച്ചുകളുള്ള മെമുവാണ് സര്‍വീസ് നടത്തുന്നത്. പാലരുവി-വേണാട് എന്നീ ട്രെയിനുകളിലെ ദുരിത യാത്ര വാര്‍ത്തയായപ്പോഴാണ്, ഇതിന് പിന്നാലെ മെമു ട്രെയിന്‍ അനുവദിച്ചുകൊണ്ടുള്ള ഉത്തരവ് പുറത്തുവന്നത്. യാത്രക്കാര്‍ മെമു ട്രെയിനിനെ വരവേറ്റത് റെയില്‍വേ സ്റ്റേഷനില്‍ ലഡ്ഡു വിതരണം ഉള്‍പ്പെടെ നടത്തിയായിരുന്നു. രാവിലെ 5.55 ന് പുറപ്പെടുന്ന ട്രെയിനില്‍ 800ഓളം യാത്രക്കാര്‍ക്ക് സഞ്ചരിക്കാം.

Good news for commuters! The Kollam-Ernakulam MEMU train will now operate on Saturdays, providing additional convenience for passengers traveling between the two cities.