മത്തങ്ങാ കൊണ്ട് വളരെ എളുപ്പത്തില്‍ ഉണ്ടാക്കാവുന്ന ഒരു കറിയാണ് ഇന്നത്തെ സ്‌പെഷല്‍. പെട്ടെന്ന് ഉച്ചയൂണിന് ഒരു കറി വേണമെങ്കില്‍ വേഗം ഉണ്ടാക്കിയെടുക്കാവുന്നതാണിത്. കിടിലന്‍ രുചിയാണേ...

മത്തങ്ങ- കഷണങ്ങളാക്കിയത് ഒരു കപ്പ്
പച്ചമുളക് - 5
തക്കാളി - 1
മുളകുപൊടി- ഒന്നര സ്പൂണ്‍

മഞ്ഞപ്പൊടി - കാല്‍ ടീസ്പൂണ്‍
ഉപ്പ് - ആവശ്യത്തിന്
തേങ്ങ-ഒരു കപ്പ്
ജീരകം -പൊടിച്ചത് ഒരു നുള്ള്

തയാറാക്കുന്ന വിധം

ചുവട് കട്ടിയുള്ള കടായിയില്‍ മത്തങ്ങാ, തക്കാളി, പച്ചമുളക് എന്നിവയിട്ട് അതിലേക്ക് ആവശ്യത്തിനു വെള്ളവും ഒഴിച്ച് മഞ്ഞ പൊടി മുളകു പൊടി ഉപ്പ് എന്നിവയും ചേര്‍ത്തു വേവിക്കുക. വെന്തുകഴിഞ്ഞാല്‍ തേങ്ങ അരച്ചത് ചേര്‍ത്ത് കൊടുക്കുക. തിളച്ചുവരുമ്പോള്‍ ഓഫ് ചെയ്യുക. ഇനി ചീനച്ചട്ടിയില്‍ വെളിച്ചെണ്ണ ഒഴിച്ച് ചൂടാകുമ്പോള്‍ കടുകും വറ്റല്‍മുളകും കറിവേപ്പിലയുമിട്ട് വറുത്തു കോരുക. അടിപൊളി മത്തന്‍ കറി റെഡി.