അബൂദബി: യുഎഇയിലെ അബൂദബിയില്‍ വിദ്യാര്‍ത്ഥികളുടെ സ്‌കൂള്‍ ബാഗുകളുടെ ഭാരം നിയന്ത്രിക്കാന്‍ പുതിയ നിയമങ്ങള്‍ നടപ്പിലാക്കിയതായി അബൂദബി വിദ്യാഭ്യാസ വകുപ്പ് (ADEK) അറിയിച്ചു. വിദ്യാര്‍ത്ഥികളുടെ സ്‌കൂള്‍ ബാഗുകള്‍ക്ക് അവരുടെ ശരീര ഭാരത്തിന്റെ 510 ശതമാനം മാത്രമേ പാടുള്ളൂ എന്നതാണ് നിയമം. ഈ തീരുമാനം ഭാരമേറിയ ബാഗുകളാല്‍ കുട്ടികള്‍ക്ക് ഉണ്ടാകുന്ന ബുദ്ധിമുട്ടുകള്‍ കുറക്കുമെന്ന് രക്ഷിതാക്കള്‍ അഭിപ്രായപ്പെട്ടു. ബാഗുകളുടെ ഭാരം കുറയ്ക്കാനായി ഡിജിറ്റല്‍ ബുക്കുകള്‍ നല്‍കുക എന്ന തന്ത്രവും അധികൃതര്‍ നടപ്പാക്കിയിട്ടുണ്ട്.

ജെംസ് വേള്‍ഡ് അക്കാഡമി, അബുദാബിയുടെ വൈസ് പ്രിന്‍സിപ്പല്‍ ഡേവിഡ് ക്രാഗ്‌സ് പറയുന്നതിങ്ങനെയാണ്, ഇബുക്കുകളും ഓണ്‍ലൈന്‍ പഠന രീതികളുമാണ് സ്‌കൂള്‍ അധികൃതര്‍ പ്രോത്സാഹിപ്പിക്കുന്നത്. 'ഡിജിറ്റല്‍ പുസ്തകങ്ങള്‍ ഉപയോഗിച്ച്, കുട്ടികള്‍ക്ക് ഒരു ഡിവൈസ് വഴി എല്ലാ പഠന സാമഗ്രികളും ലഭ്യമാകും, ഇത് ബാഗുകളുടെ ഭാരം ഗണ്യമായി കുറയ്ക്കും. മാത്രമല്ല, മോഡുലാര്‍ ബുക്കുകള്‍ ഉപയോഗിച്ച് കുട്ടികള്‍ക്ക് വിദ്യാഭ്യാസത്തിനാവശ്യമായ ഭാഗങ്ങള്‍ മാത്രമേ വഹിക്കേണ്ടതുള്ളൂ. വിദ്യാര്‍ത്ഥികള്‍ക്ക് ആവശ്യമായ പുസ്തകങ്ങള്‍ സ്‌കൂള്‍ ലൈബ്രറിയില്‍ തന്നെ താത്കാലികമായി വായിക്കാന്‍ സൗകര്യം ഒരുക്കിയതിലൂടെ ദിവസേന കൈവശം വെക്കുന്ന ബുക്കുകളുടെ എണ്ണവും കുറയ്ക്കാനകും.

ഷൈനിംഗ് സ്റ്റാര്‍ ഇന്റര്‍നാഷണല്‍ സ്‌കൂള്‍ പ്രിന്‍സിപ്പല്‍ അഭിലാഷ സിംഗ് സ്‌കൂളില്‍ ലോക്കര്‍ സംവിധാനം ഉപയോഗിച്ച് പുസ്തകങ്ങള്‍ സൂക്ഷിക്കാനാകുമെന്ന് പറഞ്ഞു. അതേസമയം, പുസ്തകങ്ങള്‍ സ്‌കൂളില്‍ സൂക്ഷിക്കുന്നത് ഹോംവര്‍ക്ക് പൂര്‍ത്തിയാക്കാനും പരീക്ഷകള്‍ക്ക് തയ്യാറാകുന്നതിനും പ്രയാസമുണ്ടാക്കുമെന്നും അവര്‍ ചൂണ്ടിക്കാട്ടി. വിദ്യാര്‍ത്ഥികള്‍ക്ക് ഹോംവര്‍ക്ക് ഷെഡ്യൂള്‍ അനുസരിച്ച് ആവശ്യമായ പുസ്തകങ്ങള്‍ മാത്രം കൊണ്ടുവരാന്‍ നിര്‍ദ്ദേശം നല്‍കുന്നുമെന്നും ബാക്കി പുസ്തകങ്ങള്‍ ലോക്കറില്‍ സൂക്ഷിക്കാമെന്നും അബൂദബി ഇന്ത്യന്‍ സ്‌കൂള്‍, പ്രിന്‍സിപ്പല്‍ നീരജ് ഭാര്‍ഗവ പറയുന്നു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക

Abu Dhabi introduces stringent guidelines to reduce school bag weight, aiming to alleviate health risks associated with heavy bags, promote student comfort and well-being.