കുവൈത്ത് സിറ്റി: കുവൈത്തില്‍ വിദേശികളുടെ പേരില്‍ ഒന്നിലധികം വാഹനങ്ങള്‍ റജിസ്റ്റര്‍ ചെയ്യുന്നതിന് വിലക്ക് ഏര്‍പ്പെടുത്തിയേക്കും. അടുത്ത ആഴ്ച മന്ത്രിസഭാ യോഗത്തില്‍ അവതരിപ്പിക്കാനിരിക്കുന്ന ഗതാഗത നിയമഭേഗതിയിലാണ് നിര്‍ദേശം, കൂടാതെ ഗതാഗത നിയമലംഘനത്തിന് കടുത്ത വ്യവസ്ഥകളും ഭേദഗതിയില്‍ ഉള്‍പ്പെടുത്തിയിട്ടുണ്ട്. കുവൈത്തില്‍ പ്രതിദിനം ശരാശരി 300 വാഹനാപകടങ്ങള്‍ സംഭവിക്കുന്ന പശ്ചാത്തലത്തിലാണ് ഭേദഗതിയിലൂടെ നിയമം കര്‍ശനമാക്കുന്നത്. അതേസമയം 90 ശതമാനം അപകടങ്ങളും സംഭവിക്കുന്നത് അശ്രദ്ധമായ ഡ്രൈവിങ് കാരണമാണെന്ന് അധികൃതര്‍ വ്യക്തമാക്കി.

അശ്രദ്ധമായ ഡ്രൈവിങ്, റെഡ് സിഗ്‌നല്‍ മറികടക്കുക, മത്സരയോട്ടം എന്നീ കുറ്റങ്ങള്‍ക്ക് 150 ദിനാര്‍ പിഴയായി ഈടാക്കും, അതേസമയം ഡ്രൈവിങ്ങിനിടെ മൊബൈല്‍ ഫോണ്‍ ഉപയോഗിക്കുന്നവര്‍ക്കുള്ള പിഴ 75 ദിനാറാക്കി വര്‍ധിപ്പിച്ചു.

സീറ്റ് ബെല്‍റ്റ് ധരിക്കാത്തതിനുള്ള പിഴ 30 ദിനാറും, നിരോധിത സ്ഥലങ്ങളില്‍ വാഹനം പാര്‍ക്ക് ചെയ്താല്‍ 15 ദിനാറുമാണ് പിഴ. കൂടാതെ വാഹനവുമായി അഭ്യാസപ്രകടനം നടത്തുന്നവരെ തടവിനും പിഴയ ശിക്ഷക്കും വിധേയരാക്കുന്നതിനു പുറമെ നിശ്ചിത കാലം നിര്‍ബന്ധിത സാമൂഹിക സേവനത്തിനും നിയോഗിക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Kuwait has implemented a ban on registering multiple vehicles in the names of foreigners to reduce traffic congestion and promote sustainable transportation. The move aims to streamline vehicle ownership and usage.