റാഗി, മുത്താറി, പഞ്ഞപ്പുല്ല് ഇങ്ങനെ പല പേരിലും അറിയപ്പെടുന്ന റാഗിയുടെ ഗുണങ്ങള്‍ പറഞ്ഞറിയിക്കാന്‍ പറ്റാത്തവയാണ്. കാര്‍ബോഹൈഡ്രേറ്റ്‌സ് ഫൈബര്‍, വിറ്റാമിനുകള്‍, കാല്‍സ്യം തുടങ്ങിയ പോഷകങ്ങളാല്‍ സമ്പന്നമാണ് മുത്താറി. ഇതിലടങ്ങിയിരിക്കുന്ന ആന്റിഓക്‌സിഡന്റുകള്‍, അമിനോ ആസിഡുകള്‍, ഫൈബര്‍ എന്നിവ ആരോഗ്യത്തിനും സൗന്ദര്യത്തിനുമൊക്കെ വളരെയധികം ഗുണം ചെയ്യുന്നു. 

ചര്‍മത്തില്‍ മാജിക് കാണിക്കാന്‍ കഴിയും റാഗിക്ക്. പ്രായമാകുന്നതിന്റെ ലക്ഷണങ്ങള്‍ തടയാനും മുഖക്കുരവും ഹൈപ്പര്‍ പിഗ്മെന്റേഷന്‍ പോലുളള പ്രശ്‌നങ്ങള്‍ ഇല്ലാതാക്കാനും റാഗിക്കു കഴിയുന്നു. മാത്രമല്ല ചര്‍മത്തിലുണ്ടാവുന്ന ചുളിവുകളും വരകളും മാറ്റാനും ഈ കുഞ്ഞന്‍ റാഗി ബെസ്റ്റാണ്. ഇതിലടങ്ങിയിട്ടുള്ളത് ആന്റി ഏജിങ്ങ് പ്രോപ്പര്‍ട്ടികൂടിയാണ്.

ഇത് ചര്‍മത്തിനെ ചുളിവുകള്‍ വീഴാതെസംരക്ഷിക്കുന്നു. ചര്‍മത്തെ മൊത്തത്തില്‍ ഭംഗിയാക്കാനും റാഗിയിലെ വിറ്റാമിന്‍ ഇ ഘടകങ്ങള്‍ സഹായിക്കുന്നു. അതുപോലെ റാഗിയില്‍ കെരാറ്റിന്‍ പ്രോട്ടീന്‍ അടങ്ങിയിരിക്കുന്നതിനാല്‍ മുടിയുടെ വളര്‍ച്ചയ്ക്കും ഇത് സഹായിക്കുന്നു. അതിനാല്‍ മുടി വേഗത്തില്‍ നരയ്ക്കാതെ നല്ല കറുപ്പ് നിറം ലഭിക്കുന്നു. 

മുഖത്ത് തേയ്ക്കാന്‍

റാഗിയുടെ പൊടിയും കുറച്ചുപാലും തേനും കൂടെ മിക്‌സ് ചെയ്ത് 20 മിനിറ്റ് മുഖത്ത് തേച്ചു പിടിപ്പിക്കുക. ശേഷം കഴുകിക്കളയാം. 

റാഗിയും തൈരും മിക്‌സ് ചെയ്തു മുഖത്ത് തേച്ചുപിടിപ്പിച്ച് 20 മിനിറ്റിനു ശേഷം കഴുകിക്കളയാം. ഇത് ചര്‍മത്തിന് വളരെ നല്ലതാണ്. 

തലയില്‍ തേയ്ക്കാന്‍

നെല്ലിക്കാപൊടിയും റാഗിപ്പൊടിയും ഒരേ അളവിലെടുത്ത് മിക്‌സ് ചെയ്യുക. ഇതിലേക്ക് കഞ്ഞിവെള്ളമോ തൈരോ ചേര്‍ത്ത് മിക്‌സ് ചെയ്ത് തലയില്‍ തേയ്ക്കാവുന്നതാണ്. അരമണിക്കൂര്‍ കഴിഞ്ഞ് കഴുകിക്കളയാവുന്നതാണ്.