കൊല്ലം: കൊല്ലം റെയില്‍വേ സ്റ്റേഷനില്‍ നിര്‍മ്മാണത്തില്‍ ഇരുന്ന കെട്ടിടത്തില്‍ നിന്നും ഇരുമ്പ് പൈപ്പ് വീണ് രണ്ട് യാത്രക്കാര്‍ക്ക് പരിക്ക്. രാവിലെ 9.30 ഓടെ റെയില്‍വേ സ്റ്റേഷനിലെ ഒന്നാം നമ്പര്‍ പ്ലാറ്റ്‌ഫോമില്‍ ആയിരുന്നു അപകടം.

നീരാവില്‍ സ്വദേശി സുധീഷ്, തിരുവനന്തപുരം വട്ടിയൂര്‍ക്കാവ് സ്വദേശിനി ആശ എന്നിവര്‍ക്കാണ് പരുക്കേറ്റത്.  ഒന്നാം നമ്പര്‍ ഫ്‌ലാറ്റ്‌ഫോമിനോട് ചേര്‍ന്നുള്ള  കെട്ടിടത്തിന്റെ മുകളില്‍  നിന്നുമാണ് പൈപ്പുകള്‍ താഴേക്ക് പതിച്ചത്. ഇതുവരെയും തലയ്ക്കാണ് പരിക്കേറ്റത്. ഉടന്‍തന്നെ ഇവരെ ജില്ലാ ആശുപത്രിയില്‍ എത്തിച്ചു. തലക്ക് ഗുരുതരമായി പരിക്കേറ്റ സുധീഷിനെ കൊല്ലത്തെ സ്വകാര്യ മെഡിക്കല്‍ കോളേജ് ആശുപത്രിയിലേക്ക് മാറ്റി. തലയില്‍ എട്ട് തുന്നുണ്ടെന്നാണ് റിപ്പോര്‍ട്ട്.

ALSO READ: ടണലിനുള്ളില്‍ നിന്ന് വീണ്ടും ഹമാസിന്റെ മിന്നലാക്രമണം, തെക്കന്‍ ഖാന്‍യൂനിസിലെ ഇസ്‌റാഈലി ട്രൂപിന് നേരെ, ഒരു സൈനികനെ വധിച്ചു; കൊല്ലപ്പെട്ടത് ബന്ദിയാക്കാനുള്ള ശ്രമത്തിനിടെ

അതേസമയം , വേണ്ടത്ര സുരക്ഷാ മാനദണ്ഡങ്ങള്‍ പാലിക്കാതെയാണ്  നിര്‍മ്മാണ പ്രവര്‍ത്തനങ്ങള്‍ നടക്കുന്നതെന്ന് ആക്ഷേപം ഉയര്‍ന്നിട്ടുണ്ട്. പൈപ്പുകള്‍ പ്ലാറ്റ്‌ഫോമിലേക്ക് വീഴാതിരിക്കുവാനായി വേണ്ടവിധത്തില്‍ വല സ്ഥാപിക്കാത്തതു കൊണ്ടാണ്  അപകടമുണ്ടായത്. താഴേക്ക് വീണ പൈപ്പുകള്‍ വലിയ പൈപ്പുകളില്‍ തട്ടിയതിന് ശേഷം യാത്രക്കാരുടെ മുകളിലേക്ക് വീണതുകൊണ്ടാണ് വലിയ അപകടം ഒഴിവായത്. ഏതായാലും സംഭവത്തില്‍ നിര്‍മ്മാണ കമ്പനി സൂപ്പര്‍വൈസര്‍, കരാറുകാരന്‍ എന്നിവര്‍ക്കെതിരെ റെയില്‍വേ പോലീസ് കേസെടുത്തു.

Two passengers were injured at Kollam railway station after an iron pipe fell from a building under construction near Platform 1. The incident has raised serious concerns about safety lapses at the worksite.