കോഴിക്കോട്: 'സ്റ്റാര്‍ട്ട് ഒ സ്ഫിയര്‍' ആഗോള സംരംഭകത്വ ഉച്ചകോടിക്ക് കോഴിക്കോട് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് വേദിയാകും. പത്തിനു നടക്കുന്ന ഉച്ചകോടി മെട്രോമാന്‍ ഇ. ശ്രീധരന്‍, ടാറ്റാ മോട്ടോഴ്‌സ് മുന്‍ എം.ഡി രവികാന്ത്, യെസ് ബാങ്ക് സ്ഥാപകനും വൈസ് ചെയര്‍മാനുമായ റാണാ കപൂര്‍, ടിം എഡ്ഡി, മനീഷ റാണ, വിജയ് ഗോപാലന്‍, ഹരി നായര്‍ തുടങ്ങിയ വ്യവസായ പ്രഗത്ഭരുമായി വിദ്യാര്‍ഥികള്‍ക്കു കൂടിക്കാഴ്ചയ്ക്കും സംവാദത്തിനും വേദിയൊരുക്കും.
ഉച്ചകോടിയില്‍ പങ്കെടുക്കാന്‍ സ്റ്റാര്‍ട്ടപ്പുകള്‍ക്ക് രജിസ്റ്റര്‍ ചെയ്യാം. 20 ഫൈനലിസ്റ്റുകളെ തിരഞ്ഞെടുത്ത് ആശയാവതരണത്തിനായി പത്ത് മിനിറ്റ് നല്‍കും. ഇതിലൂടെ നിക്ഷേപ സമാഹരണത്തിന് അവസരം ലഭിക്കും.