ന്യൂഡല്‍ഹി: പുതിയ രാഷ്ട്രീയ വേദിയുമായി മുന്‍ രാജ്യസഭ എംപിയും ക്രിക്കറ്റ് താരവുമായ നവജ്യോദ് സിങ് സിദ്ദു. അടുത്തവര്‍ഷം പഞ്ചാബില്‍ നടക്കുന്ന നിയമസഭാ തെരഞ്ഞെടുപ്പു മുന്നില്‍ കണ്ടാണ് സിദ്ദുവിന്റെ നീക്കം. ആവാസ് എ പഞ്ചാബ് എന്നാണ് പുതിയ രാഷ്ട്രീയപാര്‍ട്ടിയുടെ പേര്.പ്രഖ്യാപനം അടുത്തയാഴ്ച ഉണ്ടാകും



മുന്‍ ഇന്ത്യന്‍ ഹോക്കി താരവും ശിരോമണി അകാലിദള്‍ നേതാവുമായിരുന്ന പര്‍ഗത് സിങ്, സ്വതന്ത്ര എംഎല്‍എമാരായ സിമര്‍ജീക് സിങ് ബെയിന്‍സും ബല്‍വീന്ദര്‍ സിങ് ബെയിന്‍സും പാര്‍ട്ടിരൂപീകരണത്തില്‍ സിദ്ദുവിനൊപ്പമുണ്ട്.


ബി.ജെ.പി വിട്ട ശേഷം ഏതു പാര്‍ട്ടിയില്‍ ചേരണമെന്ന അനിശ്ചിതത്വത്തിലായിരുന്നു സിദ്ദു. ആം ആദ്മിയിലോ കോണ്‍ഗ്രസിലോ സിദ്ദു ചേരുമെന്നായിരുന്നു സൂചനകള്‍.  തന്നെ മുഖ്യമന്ത്രി സ്ഥാനാര്‍ഥിയാക്കണമെന്ന ആവശ്യത്തില്‍ ആം ആദ്മി പാര്‍ട്ടിയുമായി സിദ്ദു നടത്തിയ ചര്‍ച്ചകള്‍ ഒടുവില്‍ വഴിമുട്ടിയിരുന്നു.