എമിറേറ്റ്സ് A380 വിമാനം അപകടത്തിൽപ്പെട്ടതായി സോഷ്യൽ മീഡിയയിൽ പ്രചരിക്കുന്ന വീഡിയോ അസത്യവും കെട്ടിച്ചമച്ച ഉള്ളടക്കമുള്ളതുമാണെന്ന് എമിറേറ്റ്സ് എയർലൈൻ അറിയിച്ചു.

വീഡിയോ നീക്കം ചെയ്യുന്നതിനോ, തെറ്റായതും ഭയപ്പെടുത്തുന്നതുമായ വിവരങ്ങൾ പ്രചരിക്കുന്നതിൽ നിന്ന് ഒഴിവാക്കാൻ ഡിജിറ്റലായി സൃഷ്‌ടിച്ച ഫൂട്ടേജാണെന്ന് വ്യക്തമാക്കുന്നതിനോ തങ്ങൾ വിവിധ സോഷ്യൽ മീഡിയ പ്ലാറ്റ്ഫോമുകളുമായി ബന്ധപ്പെട്ടിട്ടുണ്ടെന്നും എമിറേറ്റ്സ് എയർലൈൻ പ്രസ്താവനയിൽ പറഞ്ഞു.

അതേസമയം എപ്പോഴാണ് വീഡിയോ പ്രചരിച്ചതെന്നോ ഏതൊക്കെ പ്ലാറ്റ്ഫോമുകളിലാണെന്നോ എയർലൈൻ വ്യക്തമാക്കിയിട്ടില്ല. അതീവ ഗൗരവത്തോടെയാണ് ഇത്തരം കാര്യങ്ങൾ കൈകാര്യം ചെയ്യുന്നതെന്നും എയർലൈൻ പ്രസ്താവനയിലൂടെ അറിയിച്ചു.

Authorities have confirmed that a video circulating on social media, purporting to show an Emirates A380 plane crash, is fake and fabricated.