ന്യൂയോർക്ക്: യുഎസിലെ ലൊസാഞ്ചലസിൽ പടർന്നു പിടിക്കുന്ന കാട്ടു തീ വരും ദിവസങ്ങളിൽ കൂടുതൽ വ്യാപിക്കുമെന്നും, സ്ഥിതി കൂടുതൽ വഷളാകുമെന്നും കാലാവസ്ഥാ വകുപ്പിന്റെ മുന്നറിയിപ്പ്.

സാന്റ ആന എന്ന വരണ്ട കാറ്റ് വീണ്ടും ശക്തി പ്രാപിക്കും. ഇത് തീ കൂടുതൽ വേ​ഗത്തിൽ പടരാൻ കാരണമാകും. 120 കി.മി വേ​ഗതയിൽ വരെ കാറ്റ് വീശാൻ സാധ്യതയുണ്ടെന്നാണ് ലൊസാഞ്ചലസ് കാലാവസ്ഥാ സർവിസ് മുന്നറിയിപ്പ് നൽകിയിരിക്കുന്നത്.

ഈ മാസം 7 നായിരുന്നു കാട്ടു തീ പരടരാൻ തുടങ്ങിയത്. ഇതുവരെ മരിച്ചവരുടെ ഔദ്യോ​ഗിക കണക്ക് 16 ആയി. യഥാർഥ മരണ സംഖ്യ ഇതിലും കൂടുതൽ ആണെന്നും റിപ്പോർട്ടുകളുണ്ട്. നിരവധി പേർക്ക് പൊള്ളലേറ്റിട്ടുണ്ട്.

കെന്നത്, ഈറ്റൺ കാട്ടു തീയാണ് പടരുന്നത്. വീടുകൾ ഉൾപ്പെടെ 12,000ത്തിലധികം നിർമിതികൾ ഭാ​ഗികമായോ പൂർണമായോ കത്തി നശിച്ചതായി ഔദ്യോ​ഗിക വൃത്തങ്ങൾ വ്യക്തമാക്കുന്നു.

ലൊസാഞ്ചലസ് സ്ഥിതി ചെയ്യുന്ന കാലിഫോർണയ സംസ്ഥാനത്തു വ്യാഴാഴ്ച ​ഗവർണർ അടിയന്തരാവസ്ഥ പ്രഖ്യാപിച്ചിരുന്നു. ന​ഗരത്തിന്റെ വിവിധ ഭാ​ഗങ്ങളിൽ നിന്നായി 1.3 ലക്ഷത്തിലേ ജനങ്ങളെ സുരക്ഷിത സ്ഥാനങ്ങളിലേക്ക് മാറ്റി പാർപ്പിച്ചിട്ടുണ്ട്. എട്ട് മാസമായി മഴ ഇല്ലാത്തതിനാൽ ലൊസാഞ്ചലസിലെ കാലാവസ്ഥ പൊതുവേ വരണ്ടതാണ്. ഇത് തീ കെടുത്താൻ പ്രയാസം സൃഷ്ടിക്കുന്നു. 

Los Angeles is experiencing severe wildfires, with the situation expected to worsen in the coming days. Stay tuned for updates and follow local authorities' instructions for safety.