കോഴിക്കോട്: കോഴിക്കോട് പെരുമണ്ണയില്‍ വന്‍ തീപിടിത്തം. ഹോട്ടലിലും സമീപത്തെ ആക്രിക്കടയിലുമാണ് തീപിടിത്തമുണ്ടായത്. ആക്രിക്കട പൂര്‍ണമായും കത്തി നശിച്ചു. ഫയര്‍ഫോഴ്‌സിന്റെ ഏഴ് യൂണിറ്റുകള്‍ എത്തിയാണ് തീയണക്കുന്നത്. തീപിടിത്തം കണ്ട് സമീപത്തെ കെട്ടിടത്തില്‍ നിന്ന് ചാടിയ ഇതരസംസ്ഥാന തൊഴിലാളിക്ക് പരിക്കേറ്റു.

ഹോട്ടലിന്റെ പുറകുവശത്തു നിന്നാണ് തീ കത്തിപ്പടര്‍ന്നത്. സമീപത്തുള്ള പള്ളിയിലേക്കും തീ പടര്‍ന്നു. പള്ളിക്കും ചെറിയ കേടുപാടുകള്‍ സംഭവിച്ചു. മീഞ്ചന്ത, വെള്ളിമാട് കുന്ന് ഫയര്‍‌സ്റ്റേഷനുകളില്‍ നിന്ന് എഴോളം യൂണിറ്റുകള്‍ എത്തി തീയണക്കുകയാണ്.