മസ്‌കത്ത്: ഒമാനിൽ ഗതാഗത നിയമത്തിന്റെ കീഴിൽ വരുന്ന എല്ലാ നിയമലംഘനങ്ങളും റോയൽ ഒമാൻ പൊലീസിന്റെയും (ROP) തൊഴിൽ മന്ത്രാലയത്തിന്റെയും സംവിധാനങ്ങളുമായി ലിങ്ക് ചെയ്യും. 2016 ലെ 10–ാം നമ്പർ രാജകീയ ഉത്തരവിന് കീഴിൽ വരുന്ന ഏതെങ്കിലും തരത്തിലുള്ള ഗതാഗത നിയമലംഘനങ്ങൾ നടത്തിയ കമ്പനികളും വ്യക്തികളും ഉൾപ്പെടെയുള്ളവർ ലംഘന കേസുകള്‍ പുനഃപരിശോധിക്കണമെന്നും  എത്രയും വേഗം പിഴത്തുക അടയ്ക്കണമെന്നും മന്ത്രാലയം വാർത്താക്കുറിപ്പിൽ നിർദേശിച്ചു. വ്യവസ്ഥകൾ ലംഘിക്കുന്നവരുടെ ബിസിനസ് പ്രവർത്തനങ്ങൾക്ക് തടസം നേരിടുമെന്നും അധികൃതർ മുന്നറിയിപ്പ് നൽകി. 

ഫെബ്രുവരി 15 മുതൽ പുതിയ സംവിധാനം പ്രാബല്യത്തിലാകും.

ഗതാഗത–കമ്യൂണിക്കേഷൻ–വിവര സാങ്കേതിക മന്ത്രാലയത്തിന്റേതാണ് പ്രഖ്യാപനം.

ഗതാഗത മന്ത്രാലയവുമായി ബന്ധപ്പെട്ട കേസുകൾ തീർപ്പാക്കുന്നതിന്  ഒരു മാസത്തെ സാവകാശം നിയമ ലംഘകർക്ക് നൽകിയിട്ടുണ്ട്.  ഒമാൻ്റെ ഗതാഗത മേഖലയിൽ സുതാര്യതയും കാര്യക്ഷമതയും മെച്ചപ്പെടുത്തുന്നതിനുള്ള സർക്കാരിൻ്റെ ശ്രമങ്ങളുടെ തുടർച്ചയാണ് ഈ  സംരംഭമെന്നു അധികൃതർ അറിയിച്ചു.

Failure to pay traffic fines will disrupt business in Oman