ചെന്നൈ: ചെന്നൈയില്‍ നടന്ന രണ്ടാം ടി20 മത്സരത്തില്‍ തോല്‍വി ഏറ്റുവാങ്ങിയത് ഇംഗ്ലീഷ് ടീം ഒന്നടങ്കമാണെങ്കിലും അതില്‍ ഏറ്റവും കൂടുതല്‍ തല്ലു മേടിച്ചുകൂട്ടിയത് ജോഫ്ര ആര്‍ച്ചറായിരുന്നു. രണ്ടാം ടി20യില്‍ ഇംഗ്ലണ്ടിനെ രണ്ടു വിക്കറ്റിനാണ് ഇന്ത്യ തറപറ്റിച്ചത്. നാലു പന്തു ബാക്കിനില്‍ക്കേയായിരുന്നു ഇന്ത്യയുടെ വിജയം.

നേരത്തേ കൊല്‍ക്കത്തയിലെ ഇന്ത്യന്‍ വിജയം ഭാഗ്യം കൊണ്ടായിരുന്നു എന്നു പറഞ്ഞ ജോഫ്ര ആര്‍ച്ചറിനാണ് ഇംഗ്ലീഷ് ബോളര്‍മാരുടെ കൂട്ടത്തില്‍ ഏറ്റവും കൂടുതല്‍ അടി വാങ്ങിയത്. ഇന്ത്യയെ ആറു വിക്കറ്റ് നഷ്ടത്തില്‍ 40 റണ്‍സെന്ന നിലയിലേക്ക് തള്ളിവിടുമെന്ന് പറഞ്ഞ ആര്‍ച്ചറിനു പക്ഷേ തെറ്റി.  

ഇന്ത്യയെ തളച്ചിടുമെന്ന പറഞ്ഞ ആര്‍ച്ചറിനെ ഇടംവലം ഇടവേള കൊടുക്കാതെ എയറില്‍ നിര്‍ത്താന്‍ ഇന്ത്യന്‍ ബാറ്റര്‍മാര്‍ക്കായി. ജോഫ്ര ആര്‍ച്ചര്‍ എറിഞ്ഞ നാല് ഓവറില്‍ ഇന്ത്യന്‍ ബാറ്റര്‍മാര്‍ അടിച്ചുകൂട്ടിയത് 60 റണ്‍സാണ്. ഇരട്ട സിക്‌സും ഒരു ഫോറും സഹിതം തിലക് വര്‍മ ഒരു ഓവറില്‍ അടിച്ചുകൂട്ടിയ 17 റണ്‍സുള്‍പ്പെടെയാണിത്. ഇന്ത്യയെ തകര്‍ക്കുമെന്ന തകര്‍ക്കുെമന്ന പറഞ്ഞ ആര്‍ച്ചറാണ് സത്യത്തില്‍ തകര്‍ന്നടിഞ്ഞത്.

കൊല്‍ക്കത്തയില്‍ നടന്ന ഒന്നാം ടി20യില്‍ നാല് ഓവറില്‍ 21 റണ്‍സ് മാത്രം വഴങ്ങി രണ്ടു വിക്കറ്റെടുത്ത ആര്‍ച്ചറിന് ചെപ്പോക്കില്‍ തൊട്ടതെല്ലാം പിഴയ്ക്കുകയായിരുന്നു. എറിഞ്ഞ ആദ്യ ഓവറില്‍ത്തന്നെ മൂന്നു ഫോറുകളോടെയാണ് അഭിഷേക് ശര്‍മ്മ ആര്‍ച്ചറെ വരവേറ്റത്.

നേരത്തെ തിലക് വര്‍മ്മയുടെ ഒറ്റയാള്‍ പോരാട്ടമാണ് ഇന്ത്യയെ വിജയത്തിലെത്തിച്ചത്. മലയാളി സൂപ്പർ താരം സഞ്ജു സാംസൺ (ഏഴു പന്തിൽ 5), ധ്രുവ് ജുറേൽ (അഞ്ച് പന്തിൽ 4), ഹാർദിക് പാണ്ഡ്യ (ആറു പന്തിൽ 4), അക്ഷർ പട്ടേൽ (മൂന്നു പന്തിൽ 2), അർഷ്ദീപ് സിങ് (നാലു പന്തിൽ 6) എന്നിവർ നിരാശപ്പെടുത്തി. പഞ്ചാരക്കൊല്ലിയിൽ വീണ്ടും നരഭോജി കടുവയെ കണ്ടതായി.

തിലക് വർമ്മയ്ക്കൊപ്പം 20 റൺസിൻ്റെ വിജയ കൂട്ടുകെട്ടു തീർക്കാനും ബിഷ്ണോയിക്കായി. ഇംഗ്ലണ്ടിനായി കാർസെ 29 റൺസ് വഴങ്ങി മൂന്നു വിക്കറ്റും ആദിൽ റഷീദ് 14 റൺസ് വഴങ്ങി ഒരു വിക്കറ്റും വീഴ്ത്തി. 

Jofra Archer challenges India before the game; Tilak Verma after beating the player on the field