ലണ്ടന്‍: പാകിസ്താനെതിരായ ഏകദിന പരമ്പരയിലെ നാലാം മത്സരത്തിലും ഇംഗ്ലണ്ടിനു ജയം. പാകിസ്താന്‍ ഉയര്‍ത്തിയ 248 റണ്‍സ് വിജയ ലക്ഷ്യം 48 ഓവറില്‍ ആറു വിക്കറ്റ് നഷ്ടത്തില്‍ മറികടക്കുകയായിരുന്നു ഇംഗ്ലണ്ട്. റെക്കോര്‍ഡ് സ്‌കോര്‍ നേടിയ മൂന്നാം ഏകദിനത്തില്‍ മികച്ച പ്രകടനം നടത്തിയ താരങ്ങള്‍ക്കൊന്നും മികവിലേക്കുയരാന്‍ സാധിക്കാതെ പോയ മത്സരത്തില്‍ ബെന്‍ സ്റ്റോക്‌സ് (69) ജോണി ബെയര്‍‌സ്റ്റോ (61) എന്നിവരുടെ അര്‍ധ സഞ്ച്വറികളാണ് ഇംഗ്ലണ്ടിനെ ജയത്തിലേക്ക് നയിച്ചത്. മോയിന്‍ അലി(45*) പുറത്താവാതെ നിന്നു.
ഓപണര്‍ ജേസന്‍ റോയ് (14) അലക്‌സ് ഹെയ്ല്‍സ്(എട്ട്) ജോ റൂട്ട് (30) ഇയാന്‍ മോര്‍ഗന്‍ (11) എന്നിവര്‍ നിരാശപ്പെടുത്തി.