പൂച്ചെടികളുടെ കാര്യത്തില്‍ പോഷകങ്ങള്‍ നല്‍കിയാല്‍ അതിമനോഹരമായ പൂക്കള്‍ നിറഞ്ഞ പൂന്തോട്ടം തഴച്ചുവളരാന്‍ സഹായിക്കും. വാഴപ്പഴത്തിന്റെ തൊലി പോലുളള ജൈവവളങ്ങള്‍ ചെടികള്‍ക്ക് വളരെ ഉത്തമമാണ്. ചിലവും കുറവായിരിക്കും ഇതിന് ഫലപ്രാപ്തിയും പരിസ്ഥിതി സൗഹൃദവുമായതിനാല്‍ തന്നെ തോട്ടക്കാര്‍ക്ക് ഇത് അനുയോജ്യമാണ്.

പൂച്ചെടികള്‍ക്ക് ഏറ്റവും മികച്ച ദ്രാവക വളമായി നിങ്ങള്‍ക്ക് വാഴപ്പഴത്തിന്റെ തൊലി ഗുണം ചെയ്യുന്നു. ഈ വളത്തിന്റെ ഗുണങ്ങള്‍ ഇവ തയാറാക്കല്‍, ഫലപ്രാപ്തി എന്നിവയെ കുറിച്ചു നോക്കാം.

പൂച്ചെടികളില്‍ പൂക്കള്‍ വിരിയാന്‍ അവശ്യപോഷകങ്ങളുടെ സന്തുലിത വിതരണം ആവശ്യമാണ്. പൊട്ടാസ്യം, ഫോസ്ഫറസ്, ട്രേസ് മിനറലുകള്‍ തുടങ്ങിയ  പോഷകങ്ങള്‍ കൂടുതല്‍ പൂക്കള്‍ വിരിയാനും പൂക്കളുടെ നിറം മെച്ചപ്പെടുത്താനും പൂക്കളുടെ എണ്ണത്തിലും വര്‍ധനവുണ്ടാക്കുന്നു. 

ഈ പോഷകങ്ങള്‍ ലഭിക്കാതെ വരുമ്പോള്‍ സസ്യങ്ങള്‍ പൂക്കാന്‍ പാടുപെടുകയും ദുര്‍ബലമായ മങ്ങിയ പൂക്കള്‍ വിരിയുകയും ചെയ്യും.   പൂവിടാന്‍ അനുയോജ്യമായ വളമാണ് വാഴപ്പഴത്തിന്റെ  തൊലി വളം.

വാഴത്തൊലി പോഷകങ്ങളുടെ കലവറയാണ്. പ്രത്യേകിച്ച് പൂ വിരിയാനാവശ്യമായ പൊട്ടാസ്യം, ഫോസ്ഫറസ്, കാല്‍സ്യം എന്നിവയടങ്ങിയതിനാല്‍ തന്നെ ചെറിയ അളവില്‍ തന്നെ ഈ പോഷകങ്ങള്‍ വേരുകളുടെ വികാസത്തെ പിന്തുണയ്ക്കുകയും തണ്ടുകളെ ശക്തിപ്പെടുത്തുകയും പൂക്കള്‍ വര്‍ധിപ്പിക്കുകയും ചെയ്യുന്നു.

വാഴത്തോല്‍ വളം പൂച്ചെടികള്‍ക്ക് ഗുണം ചെയ്യുക എങ്ങനെയാണ്

വാഴത്തോലിലെ പൊട്ടാസ്യം നേരിട്ട് പൂവിടുന്നതിനെ സഹായിക്കുകയും കൂടുതല്‍ പൂക്കള്‍ ഉല്‍പാദിപ്പിക്കുകയും ചെയ്യുന്നു. കൂടാതെ, കാല്‍സ്യം സസ്യകോശങ്ങളുടെ ഭിത്തികളെ ശക്തിപ്പെടുത്തുകയും ചെയ്യുന്നു. ഇതിലെ ഫോസ്ഫറസ് വേരുകളുടെ ആരോഗ്യത്തെയും സംരക്ഷിക്കുന്നു. 

എങ്ങനെയാണ് വാഴത്തൊലി ദ്രാവകം ഉണ്ടാക്കുന്നത്

ഈ വളമുണ്ടാക്കാന്‍ വളരെ എളുപ്പമാണ്.

നാലോ അഞ്ചോ വാഴപ്പഴത്തിന്റെ തൊലി ചെറിയകഷണങ്ങളാക്കി മുറിക്കുക.
ഈ കഷണങ്ങള്‍ ബക്കറ്റില്‍ ഒരു ലിറ്റര്‍ വെള്ളത്തില്‍ 24-48 മണിക്കൂര്‍ മുക്കിവയ്ക്കുക

ഈ ലായനി  അരിച്ചെടുത്ത് ഒരു സ്‌പ്രേ ബോട്ടിലില്‍ സൂക്ഷിക്കുക

നിങ്ങളുടെ ചെടികള്‍ക്ക് ചുറ്റുമുള്ള മണ്ണിലോ അല്ലെങ്കില്‍ ഇലകളിലോ നേരിട്ട് ഈ വെള്ളം  ഒഴിച്ചു കൊടുക്കുക.

ഓരോ ആഴ്ചയിലും വളം  ഉപയോഗിക്കുക.