തിരുവനന്തപുരം: തെരുവ് നായ ആക്രമണം പ്രതിരോധിക്കാന്‍ രണ്ടുകോടി രൂപ വകയിരുത്തുമെന്ന് ധനമന്ത്രി കെ.എന്‍ ബാലഗോപാല്‍.

'കേരളത്തില്‍ വര്‍ധിച്ചുവരുന്ന തെരുവ് നായ ആക്രമണം തടയാന്‍ മൃഗസംരക്ഷണ വകുപ്പും തദ്ദേശസ്വയംഭരണ വകുപ്പും സംയുക്തമായി കര്‍മ പരിപാടി തയ്യാറാക്കും. പോര്‍ട്ടബിള്‍ എബിസി സെന്ററുകള്‍ സ്ഥാപിച്ച് തെരുവ് നായകളുടെ വന്ധ്യംകരണം കാര്യക്ഷമമായി നടപ്പിലാക്കുന്നതിനുള്ള സാധ്യതകള്‍ ആരായുമെന്നും ഇതിനായി രണ്ട് കോടി വകയിരുത്തുമെന്നും ധനമന്ത്രി കെ.എന്‍ ബാലഗോപാല്‍ പറഞ്ഞു.

വന്യ ജീവി ആക്രമണം തടയാന്‍ പ്രത്യേക പാക്കേജ് നടപ്പിലാക്കുമെന്നും ധനമന്ത്രി പറഞ്ഞു. വന വന്യജീവി സംരക്ഷണത്തിനായി 305.61 കോടി നല്‍കും. ഇതിനായി 50 കോടി അധികം അനുവദിച്ചു. ആര്‍.ആര്‍.ടികളുടെ എണ്ണം 28 ആയി ഉയര്‍ത്തുമെന്നും ധനമന്ത്രി പറഞ്ഞു.