മുംബൈ: ഒൻപതാം ക്ലാസ് വിദ്യാർത്ഥി സ്കൂളിന്റെ അഞ്ചാം നിലയിൽ നിന്ന് ചാടി ആത്മഹത്യ ചെയ്തു. നവി മുംബൈയിലെ സീവുഡ്സ് മേഖലയിലെ ഒരു ഇം​ഗ്ലീഷ് മീഡിയം സ്കൂളിലാണ് ദാരുണമായ സംഭവമുണ്ടായത്. ക്ലാസുകൾ ആരംഭിക്കാൻ പോകുന്നതിന് മുമ്പ് രാവിലെ 7 മണിയ്ക്കാണ് സംഭവം നടന്നതെന്നും മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ടെന്നും പൊലീസ് പറഞ്ഞു. ആത്മഹത്യയുടെ ദൃശ്യങ്ങൾ സിസിടിവിയിൽ നിന്നു ലഭിച്ചിട്ടുണ്ട്. 

വിദ്യാർത്ഥി ആത്മഹത്യ ചെയ്യാനുണ്ടായ കാരണം ഇതുവരെ വ്യക്തമായിട്ടില്ല. കുട്ടിയുടെ മാതാപിതാക്കൾ ഞെട്ടലിലാണെന്നും ഇതുവരെ ഒരു മൊഴിയും നൽകിയിട്ടില്ലെന്നും പൊലീസ് അറിയിച്ചു. സംഭവവുമായി ബന്ധപ്പെട്ട് അപകട മരണത്തിന് കേസ് എടുത്ത് അന്വേഷണം ആരംഭിച്ചു. സംഭവവുമായി ബന്ധപ്പെട്ട് വിശദമായ അന്വേഷണം നടന്നുവരികയാണെന്ന് അസിസ്റ്റന്റ് പൊലീസ് കമ്മീഷണർ മയൂർ ഭുജ്ബൽ വ്യക്തമാക്കി. 

A ninth class student committed suicide by jumping down from the fifth floor of the school building