താമരശ്ശേരി: അർധ രാത്രിയിൽ ബ്രോസ്റ്റഡ് ചിക്കൻ ചോദിച്ചെത്തി.തീർന്നു പോയെന്ന് പറഞ്ഞതോടെ കടയിൽ കയറി പരാക്രമമായി. കോഴിക്കോട് താമരശ്ശേരിയിലാണ് സംഭവം.  

 സംഘം കോഫി ഷോപ്പ് അടിച്ച് തകർക്കുകയും ജീവനക്കാരെയും മർദിക്കുകയും ചെയ്തു. കോഴിക്കോട് താമരശ്ശേരിയിലാണ് സംഭവം.

ഇന്നലെ രാത്രി താമരശ്ശേരി ചെക്ക് പോസ്റ്റിന് സമീപത്തെ ടേക്ക് എ ബ്രേക്ക് എന്ന കടയിലാണ് രാത്രി 12ഓടെ അഞ്ചുപേരടങ്ങിയ സംഘം ബ്രോസ്റ്റഡ് ചിക്കൻ ചോദിച്ചെത്തിയത്. തീർന്നെന്ന് പറഞ്ഞതോടെ വാക്കുതർക്കമായി. ഇത് പിന്നീട് ആക്രമണത്തിന് വഴിമാറുകയായിരുന്നു.

കടയുടമ ഫഈദിനും ജീവനക്കാരനായ മെഹ്ദി ആലമിനും മർദനമേറ്റു. കടയിലെ സാധനങ്ങളും അക്രമികൾ നശിപ്പിച്ചു. സംഭവത്തിൻറെ സി.സി.ടി.വി ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ രണ്ടുപേരെ പൊലിസ് കസ്റ്റഡിയിലെടുത്തിട്ടുണ്ട്.

A customer in Thamarassery, Kozhikode, created a ruckus late at night after being informed that broasted chicken was unavailable.