പുത്തനത്താണി: കാടാമ്പുഴ ആമിന ഐ.ടി.ഐക്കു സമീപം സ്‌കൂള്‍ കുട്ടികള്‍ക്കു കഞ്ചാവു വില്‍പന നടത്തുന്നയാളെ കഞ്ചാവു പൊതികളുമായി കാടാമ്പുഴ പൊലിസ് അറസ്റ്റ് ചെയ്തു. കാടാമ്പുഴ സ്വദേശി ജാബിറി(22)നെയാണു കാടാമ്പുഴ എസ്.ഐ മഞ്ജിത് ലാലും സംഘവും അറസ്റ്റ് ചെയ്തത്. ഏഴു വര്‍ഷത്തോളമായി മൊത്ത വിതരണക്കാരില്‍ നിന്നും വാങ്ങി ചെറു പൊതികളിലാക്കി വില്‍പന നടത്തിക്കൊണ്ടിരിക്കുകയാണെന്ന് ഇദ്ദേഹം പൊലിസിനോട് സമ്മതിച്ചു. പിടികൂടുമ്പോള്‍ ഇയാളുടെ പക്കല്‍ നിന്നും കഞ്ചാവു പൊതികളും പൊലിസ് കണ്ടെണ്ടടുത്തു. ഇയാള്‍ക്കു കഞ്ചാവ് എത്തിച്ചു കൊടുക്കുന്ന സംഘത്തെപ്പറ്റി പൊലിസിന് വിവരം ലഭിച്ചിട്ടുണ്ടണ്ട്. എസ്.ഐയെ കൂടാതെ സി.സി.പി.ഒ രവീന്ദ്രന്‍, സി.പി.ഒമാരായ കൈലാസ്, മനോജ് എന്നിവരും അന്വേഷണ സംഘത്തിലുണ്ടണ്ടായിരുന്നു. പ്രതിയെ തിരൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.