എടവണ്ണപ്പാറ: കടയില്‍ നിന്നും വാങ്ങിയ ആപ്പിള്‍ കഴിച്ച കുടുംബത്തിലെ നാലുപേര്‍ക്കു വിഷബാധയേറ്റു. എടവണ്ണപ്പാറ പള്ളിപ്പടി കുന്നത്തൊടി വീരാന്‍കുട്ടിയുടെ കുടുംബത്തിനാണു വിഷബാധയേറ്റത്.
വ്യാഴാഴ്ച വൈകുന്നേരമാണു സംഭവം. എടവണ്ണപ്പാറയിലെ ഒരു ഫ്രൂട്ട്‌സ് കടയില്‍ നിന്നും വാങ്ങിയ ആപ്പിള്‍ വീട്ടിലെത്തി തൊലി ചെത്തി കളഞ്ഞു കഴിച്ചപ്പോള്‍ രണ്ടു പേര്‍ക്കു ചുണ്ടുകള്‍ തടിച്ചു തരിപ്പ് അനുഭവപ്പെടുകയും വായയിലെ തൊലി പൊളിഞ്ഞു പോരുകയും ചെയ്തതു. മറ്റുള്ളവര്‍ക്ക് അസ്വസ്ഥതയും ശ്വാസ തടസവും ഛര്‍ദിയും അനുഭവപ്പെടുകയായിരുന്നു . ഉടനെ സ്വകാര്യ ആശുപത്രിയില്‍ പ്രവേശിപ്പിച്ചു. ആപ്പിളില്‍ നിന്നുള്ള വിഷമാണിതെന്ന് ഡോക്ടര്‍മാര്‍ അറിയിച്ചു.
ചികിത്സക്കു ശേഷം രാത്രി രണ്ടോടെ കുടുംബത്തിന് ആശുപത്രി വിടാനായത്. അതേസമയം വീട്ടിലെത്തി മറ്റൊരു ആപ്പിള്‍ മുറിച്ചു നോക്കിയപ്പോള്‍ നല്ല കട്ടിയും ഉള്ളില്‍ ചുവപ്പു നിറമാണു കണ്ടത്.
വ്യാഴാഴ്ച വൈകുന്നേരം മുറിച്ച ആപ്പിള്‍ വെള്ളിയാഴ്ച പകലും നിറം മാറാത്തതും സംശയത്തിനിടയാക്കുന്നു.