ന്യൂഡല്‍ഹി: ഇന്ത്യയില്‍ ഷവോമിയുടെ 15, 15 അള്‍ട്രാ എന്നിവയുള്‍പ്പെടെ 15 സീരീസുകള്‍ മാര്‍ച്ച് 2 ന് ഔദ്യോഗികമായി പുറത്തിറക്കുമെന്ന് പ്രഖ്യാപിച്ചു. കഴിഞ്ഞ വര്‍ഷം ഷവോമി 15, 15 അള്‍ട്രാ തുടങ്ങിയ മോഡലുകള്‍ ചൈനയില്‍ അവതരിപ്പിച്ചിരുന്നു, സമാനമായ സവിശേഷകതകളോടെയായിരിക്കും ഇന്ത്യയിലെ പതിപ്പുകളും അവതരിപ്പിക്കുക. ഷവോമി 15, 15 അള്‍ട്രാ എന്നിവയില്‍ ക്യാമറ അപ്‌ഗ്രേഡുകളും , മുന്‍വര്‍ഷങ്ങളിലെ ഫോണുകള്‍കളില്‍ നിന്നും വ്യത്യസ്തമായ ഡിസൈനോടെയുമായിരിക്കും ഇന്ത്യയില്‍ ലോഞ്ച് ചെയ്യുക.

120 Hz റിഫ്രഷ് റേറ്റും സ്‌നാപ്ഡ്രാഗണ്‍ 8 എലൈറ്റ് ചിപ്‌സെറ്റ് ,1.5 K റെസല്യൂഷനോടുകൂടിയ 6.3  OLED  ഡ്‌സ്‌പ്ലേ, 12 ജിബി റാം 1 TB UFS  4.0 വരെ സ്‌റ്റോറേജും വാഗ്ദാനം ചെയ്യുന്നു. 90W ഫാസ്റ്റ് ചാര്‍ജിംങ്ങിനെ സപ്പോര്‍ട്ട് ചെയ്യുന്ന 5500 mAh ബാറ്ററി ശേഷിയും ഷവോമി 15 ന്റെ സവിശേഷതകളാണ്.

ഷവോമിയുടെ ബേസ്. പ്രോ മോഡലുകളില്‍ 50 മെഗാപിക്‌സല്‍ സെന്‍സറുകളില്‍ പ്രവര്‍ത്തിക്കുന്ന ലൈക്ക ട്യൂണ്‍ ചെയ്ത റിയര്‍ ക്യാമറയും മറ്റ് സമാനമായ മോഡലുകളില്‍ വേറിട്ട് നിര്‍ത്തുന്നു.

6.73 ഇഞ്ച് ഡിസ്‌പ്ലേ , സ്‌നാപ്ഡ്രാഗണ്‍ 8 എലേറ്റ് ചിപ്പ്‌സെറ്റ് , 50 മെഗാപിക്‌സലോടുകൂടിയ ട്രിപ്പിള്‍ ക്യാമറ, 12 ജിബി റാം ,6100 mAh ബാറ്ററി എന്നിവയാണ് 15 പ്രോയുടെ സവിഷേതകള്‍ 
ഷവോമിയുടെ 14,14 പ്രോ തുടങ്ങിയ മോഡലുകള്‍ കഴിഞ്ഞ മാര്‍ച്ചില്‍ പുറത്തിറക്കിയിരുന്നു.