ഷാർജ: റമദാൻ ഷോപ്പിങ്ങിനായി മികച്ച ഗുണമേന്മയുള്ള ഉത്പന്നങ്ങൾ മിതമായ നിരക്കിൽ ഉപഭോക്താകൾക്ക് ഉറപ്പാക്കി ലുലു റീടെയിൽ. ദൈനംദിന ഉത്പന്നങ്ങൾ, വീട്ടുപകരണങ്ങൾ, ഫാഷൻ ആക്സസറികൾ തുടങ്ങി 5,500ലേറെ ഉത്പന്നങ്ങൾക്ക് 65 ശതമാനം വരെയാണ് കിഴിവ്. വിലസ്ഥിരത ഉറപ്പാക്കി 300ലേറെ അവശ്യ ഉത്പന്നങ്ങൾക്ക് പ്രൈസ് ലോക്ക് സംവിധാനം ഏർപ്പെടുത്തി. 'ഹെൽത്തി റമദാൻ' കാംപയിൻ ഭാഗമായി ഷുഗർ ഫ്രീ ഉത്പന്നങ്ങൾ അടക്കം സ്പെഷ്യൽ ഭക്ഷണ വിഭവങ്ങളും ഒരുക്കിയിട്ടുണ്ടെന്നും സാംനാൻ സെൻട്രൽ ലുലു മാളിൽ നടന്ന വാർത്താ സമ്മേളനത്തിൽ ലുലു ഗ്രൂപ് ഗ്ലോബൽ ഡയരക്ടർ സലിം എം.എ അറിയിച്ചു.

ഡേറ്റ്സ് ഫെസ്റ്റിവൽ, മധുര പലഹാരങ്ങളുടെ വൈവിധ്യമാർന്ന പ്രദർശനവുമായി സ്പെഷ്യൽ സ്വീറ്റ് ട്രീറ്റ്സ് കാംപയിൻ ഉൾപ്പടെയാണ് ഉപഭോക്താക്കളെ കാത്തിരിക്കുന്നത്.
മികച്ച ഉത്പന്നങ്ങൾ കുറഞ്ഞ നിരക്കിൽ ലഭ്യമാക്കുന്ന ലുലുവിന്റെ ഡിസ്കൗണ്ട് സ്റ്റോറുകളായ ലോട്ടിലും ആകർഷകമായ റമദാൻ ഓഫറുകളാണുള്ളത്. നിരവധി ഉത്പന്നങ്ങൾക്ക് 19 ദിർഹമിൽ താഴെ മാത്രമാണ് വില. ഇതു കൂടാതെ, മികച്ച കോംബോ ഓഫറുകളും ഒരുക്കിയിട്ടുണ്ട്. ഫാഷൻ ഉത്പന്നങ്ങൾക്കായി വമ്പൻ ഓഫറുകൾ റിയോ സ്റ്റോറുകളിലും ഉപയോക്താക്കളെ കാത്തിരിക്കുന്നു. 

ഉപയോക്താകൾക്ക് റമദാൻ ഷോപ്പിങ്ങ് ഏറ്റവും സുഗമമാക്കുക എന്ന ലക്ഷ്യത്തോടെ സർക്കാർ സംവിധാനങ്ങളുമായി കൂടി സഹകരിച്ച് വിപുലമായ സൗകര്യങ്ങളാണ് ലുലു സ്റ്റോറുകളിൽ ഒരുക്കിയിട്ടുള്ളതെന്നും ഏറ്റവും മികച്ച ഓഫറുകളാണ് ഇത്തവണത്തേത് എന്നും ലുലു ഗ്രൂപ് സി.ഇ.ഒ സൈഫി രൂപാവാല വ്യക്തമാക്കി.

റമദാൻ കോംബോ ബോക്സുകൾ, മലബാറി സ്നാക്സ്, അറബിക് ഗ്രിൽഡ് വിഭവങ്ങൾ തുടങ്ങി വൈവിധ്യമാർന്ന ശേഖരമാണ് ലുലുവിൽ ലഭിക്കുക. ഹാപ്പിനസ്സ് ലോയൽറ്റി അംഗങ്ങൾക്ക് സ്പെഷ്യൽ റിവാർഡ് പോയിന്റുകളും ഉറപ്പാക്കിയിട്ടുണ്ട്. എമിറേറ്റ്സ് റെഡ് ക്രെസന്റുമായി സഹകരിച്ച് ചാരിറ്റി ഗിഫ്റ്റ് കാർഡ് സേവനം അടക്കം ലുലുവിൽ ലഭ്യമാക്കിയിട്ടുണ്ടെന്ന് മാർക്കറ്റിംഗ് & കമ്മ്യൂണിക്കേഷൻസ് ഡയരക്ടർ വി.നന്ദകുമാർ പറഞ്ഞു.

ലുലു ഗ്ലോബൽ റീടെയിൽ ഡയരക്ടർ ഷാബു അബ്ദുൾ മജീദ്, ഡയരക്ടർ മുജീബ് റഹിമാൻ, പി.ആർ ഹെഡ് ഇയാദ് മുഹമ്മദ്, റീടെയിൽ ഓപറേഷൻസ് മാനേജർ പീറ്റർ മാർട്ടിൻ എന്നിവരും വാർത്താസമ്മേളനത്തിൽ സംബന്ധിച്ചു. റമദാൻ ഓഫറുകളും വിലക്കിഴിവുകളും സംബന്ധമായ പോസ്റ്ററുകളും അധികൃതർ പുറത്തിറക്കി.

Lulu's Ramadan offers are here! Enjoy up to 65% off on over 5,500 products, making this holy month even more special and affordable for you and your loved ones.